Kwamamaza

Icyo Sidiki Kaba uhagarariye abashyizeho ICC avuga ku kwivanamo k’u Burundi

Yanditswe kuya 18-10-2016 saa 17:18' na Philbert Hagengimana


Umuyobozi w’ihuriro ry’ibihugu byashyize umukono mu masezerano ya Roma ashyiraho Urukiko Mpuzamahanga Mpanabyaha, ICC, yagaragaje ko kwivana muri urwo rukiko k’u Burundi ari imbogamizi ikomeye ku guca umuco wo kudahana, nka kimwe mu byo uru rukiko rurwanya.

Ku wa 12 Ukwakira 2016, ni bwo Inteko Ishinga Amategeko mu Burundi yatoye ku bwiganze, umushinga w’itegeko ryemerera iki gihugu kwitandukanya n’uru rukiko, nyuma y’uko rutangaje ko ruzakora iperereza ku byaha bihungabanya uburenganzira bwa muntu n’ibyibasiye inyokomuntu byakorewe muri icyo gihugu kuva muri Mata 2015, ubwo Perezida Nkurunziza yari amaze gutangaza ko aziyamamaza muri manda ya gatatu.

Nyuma y’icyo cyemezo gitegereje kubanza kwemezwa na Perezida Nkurunziza ubwe, Umuyobozi w’ihuriro ry’ibihugu byasinye kuri ayo masezerano ya Roma, Sidiki Kaba, yatangaje ko kibangamiye bikomeye gahunda yo guca umuco wo kudahana ku Isi.

Yagize ati “Kwivana mu masezerano ya Roma kw’igihugu kinyamuryango ni imbogamizi ku mugambi wo guca umuco wo kudahana no kugera ku ntego y’ubudahangarwa bw’ayo masezerano."

Yakomeje agira inama Leta y’u Burundi, ati “Nibutse ibihugu byose bigize iryo huriro ko bifite amahirwe yo kuvuga ikibubangamiye imbere y’Inteko rusange y’abanyamuryango hagendewe ku masezerano. Ndahamagarira abayobozi b’u Burundi kuyoboka inzira y’ibiganiro."

ICC ifite ububasha bwo gukurikirana ibyaha bya Jenoside, ibyaha by’intambara n’ibyibasiye inyokomuntu, yashyizweho n’amasezerano ya Roma, itangira gukora ku wa 1 Nyakanga 2002, aho ihuriweho n’ibihugu 124.

Nyuma yo gutangaza ko u Burundi bugiye kwikura muri ICC, bamwe mu basesenguzi mu bya politiki, basanga iki cyemezo ari igihamya cy’uko Guverinoma hari ibyaha bikomeye yikekaho bityo igatinya gukurikiranwa n’uru rukiko.

Sidiki Kaba avuga ko kuva ku Burundi muri ICC ari imbogamizi ku guca umuco wo kudahana

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved