Ikigo cy’Abongereza kirashinjwa kwivanga mu matora yo muri Kenya kikifashisha n’indaya

Yanditswe na Evariste Nsengimana
Kuya 20 Werurwe 2018 saa 11:58
Yasuwe :
0 0

Ikigo cy’Abongereza cyitwa Cambridge Analytica, cyashyizwe mu majwi ku kwivanga mu matora yo muri Kenya yabaye umwaka ushize, kigakoresha uburyo butandukanye burimo kwishyura indaya na ruswa, kigamije gushyigikira Uhuru Kenyatta wayatsinze Raila Odinga bari bahanganye.

Amakuru y’uko kwivanga mu matora, yashyizwe ahagaragara na Chaine ya Televiziyo y’Abongereza ‘Channel4’, yagikozeho iperereza rwihishwa, rikagaragaza ko abayobozi bakuru bacyo barimo uwitwa Alexander Nix, bafashwe amashusho n’amajwi bigamba kwivanga mu matora ahantu harenga 200 ku isi.

Abo bayobozi bemezaga ko Cambridge Analytica ifatanije n’ikindi bifitanye imikoranire cyitwa Strategic Communications Laboratories (SCL), bagize uruhare mu matora yo mu bihigu byinshi birimo Nigeria, Kenya, Repubulika ya Tchèque, u Buhinde na Argentine.

Daily Monitor yanditse ko abayobozi ba Cambridge Analytica batangaje ko muri Kenya, bari bihishe inyuma y’amatora ubwo yabaga ku nshuro ya Kabiri, akongera kwegukanwa na Perezida Uhuru Kenyatta.

Umuyobozi mukuru wacyo, Mark Turnbull, yatangaje ko bakoresheje ikoranabuhanga, mu kugaragaza neza Kenyatta bakanagerageza kugaragaza nabi Raila Odinga bari bahanganye aho bari bafite intego igira iti “Hagarika Raila ucungure Kenya… ahazaza ha Kenya hari mu biganza byawe.”

Mu kugeragaza guca intege Odinga hakoresheje uburyo butandukanye birimo n’amashusho atarashimishije abanya-Kenya benshi. Imwe, igaragaza Umuyobozi w’ishyaka Orange Democratic mu ishusho ry’ushyigikiye umutwe w’iterabwoba wa Al-Shabaab, watangaje intambara kuri Kenya.

Mu majwi yafashwe mu buryo bw’ibanga, Turnbull, asobanuramo uburyo ikigo cye cyashyigikiye Kenyatta na Visi Perezida William Ruto n’ishyaka ryabo Jubilee mu matora.

Hari aho agira ati “Ukwiyamamaza kwa Kenyatta twagizemo uruhare mu 2013 na 2017.”

Umunyamakuuru w’iyo Televiziyo amubazamo icyo bakoze muri Kenya, agasubiza ko bongeye kumenyekanisha ishyaka ryose mu buryo bubiri burimo kuryandikira manifesto, kuryandikira imbwirwaruhame, ko muri make barikoreye buri kimwe cyose.

Abayobozi b’icyo kigo banasobanuramo uko bakoresheje uburyo bwose bushoboka burimo ruswa n’indaya zo muri Ukraine zoherejwe gushaka amakuru mu rugo rw’abakandida bakizanira ndetse kikanaha ruswa abanyapolitiki bakacyemerera gukoresha camera no gufata andi makuru.

Icyo kigo kandi ngo cyahaye amafaranga menshi Kenyatta yifashishije mu matora hari n’aho yagombaga kuzagiha ingurane y’ubutaka kandi ko amakuru cyagombaga kubona asebya Odinga kikayashyira kuri internet.

Mark Turnbull yanabwiye Channel 4 ko amakuru yose bagomabaga kuyashyiraho agasakara hose no mu bantu bose kandi muri icyo gihe ko nta n’umwe wagombaga gutekereza impamvu biri gukorwa cyangwa ubyihishe inyuma.

Perezida Uhuru Kenyata na Raila Odinga bari bahanganye mu matora y'umukuru w'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza