Israel: Netanyahu agiye gukorwaho iperereza ku byaha bya ruswa

Yanditswe na
Kuya 29 Ukuboza 2016 saa 08:52
Yasuwe : XX
0

Intumwa nkuru ya Leta ya Israel, Avichi Mandelbit yategetse ko hakorwa iperereza ku byaha bya ruswa bishinjwa Minisitiri w’Intebe, Benjamin Netanyahu.

Inkuru yatangajwe na Televiziyo Channel 10 ku wa Gatatu, ivuga ko Netanyahu agiye gukorwaho iperereza ryimbitse, nyuma y’amezi agera ku icyenda polisi itangiye gusuzuma ibyaha akekwaho.

Nubwo hatatangajwe ibyaha akekwaho, hari bamwe batangiye kubihuza n’amafaranga angana na miliyoni imwe y’ama Euro bivugwa ko yahawe n’Umufaransa ufungiye gukora ubucuruzi bunyuranyije n’amategeko; ibintu umuvugizi we avuga ko ari ibinyoma bikoreshwa n’abashaka kumukura ku butegetsi.

Polisi ntiyigeze ihakana cyangwa ngo yemerere Channel 10 amakuru y’uko Netanyahu agiye gutangira gukorwaho iperereza.

Itangazo ryashyizwe ahagaragara n’ishami ridasanzwe rishinzwe iperereza muri Israel rivuga ko igihe nikigera bazatanga amakuru y’uko ibijyanye n’iki kibazo bihagaze.

Muri Kamena 2016 nibwo byatangajwe ko Umuyobozi mukuru wa polisi ya Israel, Roni Alsheikh yaba yarasabye itsinda ry’ubutasi gukora iperereza kuri Netanyahu ariko mu ibanga.

Minisitiri w’Intebe wa Israel, Benjamin Netanyahu,

angel@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza