Kwamamaza

Kwibuka ni nk’umurunga uduhuza twese mu gihe duhanganye n’ibibazo by’ahazaza- Nick Clegg

Yanditswe kuya 28-01-2014 saa 22:36' na Olivier Rubibi
     


Nick Clegg, Minisitiri w’intebe wungirije w’u Bwongereza, ku wa 27 Mutarama 2014, yitabiriye ibikorwa byahariwe kwibuka Jenoside yakorewe Abayahudi, aho yagize icyo avuga ku gikorwa cyo Kwibuka, we afata nk’umurunga uhuza abantu bose mu gihe bahanganye n’ibibazo by’ahazaza. Urubuga rwa Leta y’u Bwongereza, gov.uk, dukesha iyi nkuru, ruvuga ko uyu muhango wabereye mu muhanda wa “King’s Cross station” mu Bwongereza ukaba waritabiriwe na Ben Helfgott ndetse na Sabrina Miller bombi barokotse Jenoside (...)

Nick Clegg, Minisitiri w’intebe wungirije w’u Bwongereza, ku wa 27 Mutarama 2014, yitabiriye ibikorwa byahariwe kwibuka Jenoside yakorewe Abayahudi, aho yagize icyo avuga ku gikorwa cyo Kwibuka, we afata nk’umurunga uhuza abantu bose mu gihe bahanganye n’ibibazo by’ahazaza.

Umunyarwanda Eric Murangwa kumwe n'abayahudi Ben Helfgott na Sabrina barokotse Haulocost na Nick Clegg minisitiri w'intebe wungirije w'u Bwongereza

Urubuga rwa Leta y’u Bwongereza, gov.uk, dukesha iyi nkuru, ruvuga ko uyu muhango wabereye mu muhanda wa “King’s Cross station” mu Bwongereza ukaba waritabiriwe na Ben Helfgott ndetse na Sabrina Miller bombi barokotse Jenoside yakorewe Abayahudi, ndetse n’Umunyarwanda Eric Murangwa, warokotse Jenoside yakorewe Abatutsi mu 1994 mu Rwanda, kuri ubu akaba afite umuryango yise Football for Hope Peace and Unity, aho yunga Abanyarwanda abinyujije muri uyu mukino.

Nick Clegg yagize ati: “Twibuka by’igihe gihoraho Jenoside yakorewe Abayahudi, kuko habayeho kwibagirwa twaba turimo kugana mu nzira yo kongera kugwa muri iri kosa ry’ahahise. Kwibagirwa byagereranywa n’igikorwa cy’ubugambanyi bw’abahuye n’aya mahano. Ni igikorwa kidakwiriye urubyiruko rw’igihe tugezemo.”

Nick Clegg yakomeje avuga ko kwibuka ibyabaye mu gihe cyahise, bidakwiye gufatwa nkaho ari ukwibuka ibyahise ahubwo ni igikorwa gifitiye abarokotse akamaro, kuko bibagaragarira ko hari abifatanije nabo. Kwibuka Abayahudi bazize Jenoside bizakorwa ahantu hasaga 2000 mu Bwongereza hose.

Nick Clegg hamwe n'abacitse ku icumu rya za Jenoside mu bihe byo kwibuka iyakorewe Abayahudi mu bwongereza

[email protected]

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved