Gushyiraho Minisitiri w’Intebe no gusura u Budage mu byibanze Macron ari bukore ku munsi wa mbere

Yanditswe na Mukaneza M.Ange
Kuya 15 Gicurasi 2017 saa 11:26
Yasuwe :
0 0

Nyuma yo kurahirira kuyobora u Bufaransa, ku munsi we wa mbere, Perezida Emmanuel Macron arateganya gushyiraho Minisitiri w’Intebe no gusura u Budage aho aza guhura na Angela Merkel.

Gushyiraho Minisitiri w’Intebe ni ingenzi cyane kuri Macron wifuza kwitwara neza mu matora y’abagize Inteko Ishinga Amategeko kugira ngo azabashe gushyira mu bikorwa amavugurura mu bukungu yasezeranyije abaturage ubwo yiyamamazaga.

Ku Cyumweru ni bwo Macron w’imyaka 39 yarahiriye kuyobora u Bufaransa mu birori byabereye mu biro by’umukuru w’igihugu, nyuma yo gutsinda amatora yabaye tariki ya 7 Gicurasi 2017.

BBC dukesha iyi nkuru ivuga ko nubwo Macron yakomeje kugira ibanga uzaba Minisitiri w’Intebe, benshi bakomeje gushyira mu majwi Edouard Philippe uyobora akarere ka Le Havre, abandi bakemeza ko ari Christine Lagarde uyobora Ikigega Mpuzamahanga cy’Imari, IMF.

Macron kandi arateganya gusura u Budage, aho we na Merkel baganira kuri byinshi birimo n’ahazaza h’Umuryango w’Ubumwe bw’u Burayi, EU.

Mu cyumweru gishize ishyaka rye En Marche ryatangaje abakandida 400 barimo n’umunyarwanda, bagomba guhatanira imyanya mu Nteko Ishinga Amategeko mu matora ateganyijwe muri Kamena.

Macron watsinze amatora ku majwi 66%, ahigitse Marine Le Pen bari bahanganye, ni we mukuru w’igihugu muto ugiye kuyobora u Bufaransa nyuma.

Emmanuel Macro ahabwa ikaze na François Hollande

[email protected]


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza