Macron yarahiriye kuyobora u Bufaransa, aba Perezida muto bugize mu mateka

Yanditswe na IGIHE
Kuya 14 Gicurasi 2017 saa 12:22
Yasuwe :
0 0

Emmanuel Macron wari umukandida w’ishyaka En Marche! yarahiriye kuyobora u Bufaransa aba Perezida wa 25 bugize mu mateka ari nawe muto ubayeho kuva iki gihugu cyabaho.

Umuhango w’irahira rya Macron wabaye kuri iki Cyumweru aho mu Mujyi wa Paris umutekano wari wakajijwe. Perezida François Hollande akaba yahise asoboka mu Ngoro y’Umukuru w’Igihugu asigira Macron n’umugore we Brigitte.

Abantu 300 nibo bitabiriye ibi birori aho Perezida wa Komisiyo Ishinzwe kurengera Itegeko Nshinga mu Bufaransa, Laurent Fabius, yabwiye Macron ko ariwe mugabo ukuriye u Bufaransa.

François Hollande yagiye ku butegetsi mu 2012, mbere y’uko asohoka muri Élysée yabanje kuganira na Macron umusimbuye ku bibazo igihugu gifite muri iki gihe.

Macron yatsinze amatora ku majwi 66% ahigitse Marine Le Pen bari bahanganye. Mu Bufaransa, ku munsi w’irahira, Perezida mushya aherekeza ucyuye igihe akamugeza ku modoka ye ubundi agasohoka mu ngoro y’Umukuru w’Igihugu. Ibi ni nabyo byabaye kuri uyu munsi hagati ya Macron na Hollande.

Kuri uyu wa Mbere nibwo byitezwe ko Macron azatangaza abazaba bagize Guverinoma ye aho hari amakuru avuga ko Christine Lagarde uyobora Ikigega Mpuzamahanga cy’Imari, IMF, ashobora kuba Minisitiri w’Intebe.

Umutekano wari wakajijwe ku biro by'Umukuru w'Igihugu
Umutekano wari wakajijwe ku biro by'Umukuru w'Igihugu
Macron asuhuza abari bateraniye kuri Élysée
Perezida Macron ubwo yageraga muri Élysée
Perezida François Hollande arebera mu idirishya uko hasi byari byifashe
Macron na Hollande bahererekanya ububasha
Brigitte Macron ubwo yari ageze muri Élysée
Macron ubwo yajyaga guhura na Hollande
Macron ageze kuri Élysée
Brigitte Macron asuhuza abari aho uyu muhango wabereye
Ibyishimo byari byose ubwo Brigitte yari ageze muri Élysée

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza