Malaysia:Umugore yatawe muri yombi acyekwaho urupfu rwa Kim Jong-nam

Yanditswe na Umurerwa Emma Marie
Kuya 16 Gashyantare 2017 saa 03:13
Yasuwe :
0 0

Polisi yo muri Malaysia yataye muri yombi umugore ukekwaho kugira uruhare mu rupfu rwa mukuru wa Kim Jong-un, Perezida wa Korea ya Ruguru.

Uwo mugore witwa Doan Thi Huong, w’imyaka 28 yafatiwe ku kibuga cy’indege cya Kuala Lumpur aho Kim Jong-nam yaherewe uburozi kuri uyu wa Mbere.

Ivuga kandi ko yari afite urwandiko rw’inzira(Passport) rwo mu gihugu cya Vietnam. Si uyu wenyine kandi kuko Polisi irimo no gushakisha abantu bikekwa ko bagize uruhare mu rupfu rwa Kim Jong-nam.

Inkuru dukesha The Independent ikomeza ivuga ko uyu mugore yatawe muri yombi kubera amashusho ya CCTV amwerekana ari wenyine ku kibuga cy’indege.

Ntibirasobanurwa niba uyu mugore wafashwe ari we nyir’izina wagaragajwe muri aya mashusho.

Aya mashusho kandi agaragaramo abagore babiri bari iruhande rwa Kim, nyuma baza kuva aho bari bari batwawe n’umushoferi wa tagisi na we wamaze gutabwa muri yombi.

Ifoto ikomeje kugaragara mu bitangazamakuru byo muri Korea y’Epfo no muri Malaysia igaragaza umugore wambaye agapira kanditseho ‘LOL’ bivugwa ko ari umwe mu bakekwa.

Muri rusange hakekwa ko abagore babiri n’abagabo bane ari bo bagize uruhare muri uru rupfu.

Kim Jong-nam uherutse kwicirwa muri Malaysia

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244