Kwamamaza

Nigeria: Pasiteri TB Joshua wahanuye ko Clinton azatsinda amatora yavumiwe ku gahera

Yanditswe kuya 9-11-2016 saa 22:13' na Nsengimana Evariste


Pasiteri TB Joshua, Umuhanuzi akaba n’Umuvugabutumwa uzwi cyane kuri Televiziyo Emmanuel muri Nigeria yibasiwe bikomeye n’abakoresha imbuga nkoranyambaga nyuma y’amagambo aherutse gutangariza abayoboke b’idini rye, ko yabonye Amerika iyobowe n’umugore, akaza guhinyuzwa n’amatora yatsinzwe na Donald Trump.

Joshua uyobora Itorero Church Of All Nations muri Nigeria akunda kuvugwa cyane muri politiki mpuzamahanga no guhanurira abakuru b’ibihugu.

Mu matora yo muri 2008, uyu mushumba yari yarahanuye ko Perezida John Atta Mills azatorerwa kuyobora Ghana nyuma aranabishimirwa n’uyu mu Perezida.

Nyuma y’uko amajwi yari amaze gutangazwa, ndetse Donald Trump atsindiye kuyobora Amerika, uyu Muvugabutumwa yihutiye gukura ku rukuta rwe rwa Facebook ubutumwa yari yahanditse, benshi bise ubw’ibinyoma.

Ubu butumwa bwagiraga buti “ Mu minsi icumi ishize neretswe umugore atsinda amatora ya Perezida wa Leta Zunze Ubumwe za Amerika.”

Umwe muribo ati “kubera iki yasibye iby’ubwo buhanuzi? Niba koko yarabyeretswe nk’umuntu w’Imana, kuki yabivanyesho?”

Gukuraho ubwo butumwa byafashwe nk’uburyo yashatse gukoresha kugira ngo yibagize ibyo yavuze.

Ku mbuga nkoranyambaga mu bihugu nka Nigeria, Ghana na Afurika y’Epfo abantu benshi bagarutse ku buhanuzi bw’uyu mupasiteri.

Umunya-Afurika y’Epfo, Gugu Mathonsi we ashimangira ko n’ubwo ubuhanuzi bwa Pasiteri TB Joshua bwahabanye n’ukuri, azahora yizera ibyo avuga uko byaba bimeze kose.

Abantu benshi bizera ko TB Joshua akoresha imbaraga zidasanzwe mu gukora ibitangaza ndetse no guhanura.

Mu bandi bakuru b’ibihugu uyu mukozi w’Imana yahanuriye harimo Perezida wa Tanzania John Pombe Magufuli n’uwahoze ayobora Malawi, Joyce Banda.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved