Obama yasezeye ku Banyamerika asuka amarira (Amafoto)

Yanditswe na Philbert Girinema
Kuya 11 Mutarama 2017 saa 08:28
43 29

Perezida wa Leta Zunze Ubumwe za Amerika, Barack Hussein Obama, yaraye avuze ijambo rye rya nyuma nk’Umukuru w’iki gihugu ashimira abamufashije mu myaka umunani ayobora ariko kwihangana biza kumunanira araturika ararira.

Obama ni umwe mu banyapolitiki bake isi yagize mu mwaka ishize bari bazwiho gukoresha imvugo yihariye mu kumvikanisha ibitekerezo. Benshi bavuga ko atandukanye n’abandi bose bayoboye iki gihugu usibye kuba yaraciye agahigo ko kuba afite inkomoko muri Afurika, yaranzwe no gusabana mu gihe cyose yamaze muri White House.

Mu minsi icyenda gusa, azaba yitwa uwahoze ari Perezida wa Leta Zunze Ubumwe za Amerika kuko agomba gusimburwa na Donald John Trump uzarahirira uyu mwanya kuwa 20 Mutarama 2017.

Ijambo risoza manda ze ebyiri, Perezida Obama yarivugiye mu Mujyi wa Chicago aho yatsindiye amatora ubugira kabiri. Yashimye byimazeyo umugore we Michelle Obama avuga ko yamubereye icyitegererezo ndetse akanakibera igihugu cyose. Ayo magambo yatumye asabwa n’amarangamutima maze araturiika ararira.

Michelle Obama n’umukobwa wabo Malia, nabo basazwe n’amarangamutima bararira.

Perezida Obama yananiwe kwihangana araturika ararira
Umugore we n'umwana nabo barize
Urukundo ni rwose kuri Obama na Michelle
Visi Perezida Joe Biden nawe byari uko
Biden na Obama bishimiye imyaka bamaze bayobora Amerika
Bari muri ibi birori batari kumwe n'umukobwa wabo muto, Sasha, kuko ari mu bizamini. Hari Malia gusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE