Perezida François Hollande yakozwe mu nkovu na Minisitiri w’Intebe wa Pologne

Yanditswe na Rabbi Malo Umucunguzi
Kuya 12 Werurwe 2017 saa 07:26
Yasuwe :
2 1

Minisitiri w’Intebe wa Pologne, Beata Szydło yaneguye Perezida w’u Bufaransa François Hollande nk’umuyobozi udafitiwe icyizere n’abaturage be mu gihe ibihugu byombi bitavuga rumwe ku gutorwa k’umuyobozi w’Inama y’Umuryango w’Ubumwe bw’u Burayi, Donald Tusk.

Kuwa Kane w’iki cyumweru nibwo Tusk ukomoka muri Pologne yatorewe manda ya kabiri yo kuyobora urwego ruhuza ibikorwa by’inama z’abakuru b’ibihugu na za guverinoma bigize Umuryango w’Ubumwe bw’u Burayi (EU) ariko abenshi mu bagize guverinoma y’igihugu cye ntiyabyishimira.

Pologne yaherukaga gutangaza ko Tusk ari umukandida w’u Budage, igihugu ishinja kuba aricyo kiri kugena imiyoborere ya EU.

Nk’uko The Guardian yabitangaje, Beata Szydło yanenze Perezida Hollande yifashishije ibipimo biheruka kwerekana ko Abafaransa batakimufitiye icyizere, ubwo yari avuze ko Pologne nka kimwe mu bihugu byungukira cyane mu nkunga za EU, gikwiye gushyigikira ukongera kwemezwa kwa Donald Tusk.

Muri iyo nama yaberaga i Bruxelles mu Bubiligi, kuwa Gatanu, Szydło yavuze ko adashobora kwemera ibitekerezo bikangana by’umuyobozi ushyigikiwe n’abaturage be ku rwego rwo hasi cyane nka François Hollande.

Ati “Ese nkwiye guha agaciro uguharabikana k’umuperezida ushyigikiwe n’abaturage ku kigero cya 4% by’abaturage kandi mu gihe gito atazaba akiri Perezida?”

Iyo ni imibare yakusanyijwe mu Ukwakira 2016 harebwa uko abaturage bari bishimiye imiyoborere ye mbere y’amatora ya Perezida ateganyijwe muri Mata uyu mwaka. Icyo gihe abamwishimiye bari 4%, ikaba ariyo mibare iri hasi cyane ku cyizere gifitiwe umukuru w’igihugu, mu mateka y’imiyoborere y’u Bufaransa.

Pologne iteganya kwakira miliyari €100 azava muri EU hagati ya 2014 na 2020.

Szydło kandi nyuma y’icyiciro cyateranye higwa ku myiteguro y’indi nama izabera mu Butaliyani ku wa 25 Werurwe harebwa ku kwizihiza isabukuru y’imyaka 60 ishize hasinywe amasezerano mu birebana n’inkunga, Pologne yanavuze ko itazemera igitekerezo u Budage buri kuzamura cy’uko EU yakwemera ubufatanye hagati y’ibihugu, bimwe bikemererwa kwihutisha gahunda zabyo kurusha ibindi.

Yavuze ko bishobora gucamo EU ibice, gusa ni igitekerezo u Bufaransa n’u Budage byo bishyigikiye bivuga ko hagati yabyo bifite ubushobozi bwo kwihuta kurushaho.

Beata Szydło avuga ko ataha agaciro ibitekerezo by'umuyobozi nka Hollande ushyigikiwe n'abaturage bake/Ifoto: Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244