Kwamamaza

Perezida Hollande yemeye ko u Bufaransa bufitanye ibibazo n’idini ya Islam

Yanditswe kuya 14-10-2016 saa 11:50' na Jean Pierre Tuyisenge


Perezida w’u Bufaransa François Hollande, yemeye ko igihugu cye gifitanye ibibazo n’idini y’Abayisilamu ndetse ko hari abimukira benshi batari bakwiye kuba bahari.

Ibi yabibwiye abanditsi b’igitabo cyiswe A President Shouldn’t Say; Gerard David na Fabrice Lhomme bakaba n’abanyamakuru ba Le Monde mu Kuboza 2015, nyuma y’ukwezi kumwe habaye igitero cyahitanye abantu bagera ku 130 mu Bufaransa.

Icyo gihe Umutwe w’Iterabwoba wa Kiyisilamu (ISIS) wigambye ko ari wo wakigabye.

Al-Jazeera dukesha iyi nkuru ivuga ko Perezida Hollande muri icyo gitabo cyashyizwe hanze muri iki cyumweru yagize ati “ Nibyo koko dufitanye ibibazo n’abayisilamu. Nta muntu ubishidikanyaho. Si uko Islam ifite ibibazo kuko ari mbi ubwayo ahubwo ikibazo ni uko ishaka kwigira idini y’igihugu. Ntekereza ko hari n’abimukira benshi batagakwiye kuba muri iki gihugu.”

Ibitero bya hato na hato byibasiye umugabane w’u Burayi mu myaka ibiriri ishize, n’ibibazo byagiye biterwa n’abimukira ni bimwe mu byatumye bimwe mu bihugu by’uyu mugabane bishyiraho amategeko akarishye yo gukumira umubare munini w’Abimukira.

Ikibazo cy’u Bufaransa n’Abayisilamu cyateje impaka nyinshi ubwo imijyi 30 yo muri icyo gihugu yacaga umwambaro w’abagore b’Abayisilamu bambaraga bagiye kogera mu ruhame.

Icyo gihe urukiko rwisumbuye rw’Ubutegetsi muri icyo gihugu rwavuze ko gukumira uwo mwambaro ari ukubangamira bikomeye uburenganzira bw’ibanze bw’ikiremwamuntu.

Perezida w’u Bufaransa François Hollande

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved