Perezida Kim Jong wa Koreya ya Ruguru amaze kwica abantu barenga 300

Yanditswe na
Kuya 29 Ukuboza 2016 saa 03:47
Yasuwe : XX
0

Abantu barenga 300 barimo abasirikare, abayobozi bakomeye mu gihugu cya Koreya ya Ruguru bamaze kwicwa ku itegeko ryatanzwe na perezida Kim Jong-Un abandi abiyicira ubwe mu ruhame mu gihe cy’imyaka itanu amaze ku butegetsi.

Byasohotse mu cyegeranyo cy’ikigo cy’igihugu gishinzwe umutekeno cya Koreya y’Epfo (INSS) kuri uyu wa Kane.

CNN dukesha iyi nkuru ivuga ko icyo cyegeranyo cyivuga ko Perezida Kim akoresha igitugu n’iterabwoba nk’inzira rukumbi yo kugumana ubutegetsi.

Mu bantu barenga 340 bishwe, 140 bari abayobozi n’abasirikare bakomeye mu ishyaka riri ku butegetsi.

Bruce Bennett, Umusesenguzi mu by’umutekano mu kigo cy’Abanyamerika cy’iterambere n’ubushakashatsi avuga ko mu myaka itanu Kim amaze yagaragaje ubugome bukabije ugereranije n’ibyo Se yakoze mu myaka 17 yayoboye.

Ati “Urugero, mu myaka itanu amaze yahinduye ba minisitiri b’umutekeno inshuro eshanu mu gihe se yabahinduye inshuro eshatu mu myaka 17, ebyiri muri zo ziterwa n’impamvu z’urupfu.”

Muri uyu mwaka, Kim ubwe yishe minisitiri ushinzwe uburezi Ri Yong Jin amuhora ko yasinziriye mu nama, uwahoze ari minisitiri w’ubuhinzi Hwang Min amuhora ko yagaragaje igitekerezo ku mushinga w’ubuhinzi gitandukanye n’ibyo yavuze.

Mu 2013 ho yishe nyirarume Jang Song Thaek, amuhoye ko ngo yashakaga gushinga umutwe wa politiki.

Mu 2015, Hyun Yong Chol wari Minisitiri w’umutekano na we yahitanywe n’ubutegetsi bwa Kim.

Perezida Kim Jong-un wa Korea ya Ruguru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza