Kwamamaza

Putin,Nkurunziza,Museveni na Magufuli mu bamaze gushimira Trump watowe

Yanditswe kuya 9-11-2016 saa 12:10' na Rabbi Malo Umucunguzi


Donald John Trump niwe watorewe kuba Perezida wa 45 wa Leta Zunze Ubumwe za Amerika, ahigitse Hillary Clinton.

Ni ibintu byongeye gushimangira ihame ritanditse, ko amashyaka abiri arimo iry’Aba-démocrate n’aba-républicain, buri rimwe riyobora manda ebyiri rigasigira irindi, ibintu bimaze imyaka myinshi ari uko byikora.

Donald Trump utarahabwaga amahirwe na benshi, nyuma yo kumenya ko ariwe utsinze amatora, uyu mugabo w’imyaka 70 wiyamamaje afite intero yo “kongera kugira Amerika igihangange’’, yijeje kubaka Amerika ishyize hamwe kandi akaba Perezida wa bose.

Clinton yahise yemera ko yatsinzwe, nk’uko Trump yabishimangiye akimara kumenya ko ariwe utsinze amatora.

Ati “Namaze guhamagarwa n’Umunyamabanga wa Leta Clinton. Yanshimiye ku bw’intsinzi, nanjye mushimira ku buryo yitwaye, hamwe n’umuryango we, kuko yari intsinzi igoye,’’

Abakuru b’ibihugu na za guverinoma z’impande zose z’Isi, bamwifurije ishya n’ihirwe mu kazi gakomeye kari imbere, kuva kuri Perezinda Nkurunziza w’u Burundi, Magufuli wa Tanzania, Putin w’u Burusiya n’abandi.

Mu kwiyamamaza, Perezida Putin yagaragazaga ko ashyigikiye umunyemari Trump ndetse na Hillary Clinton bari bahanganye akavuga ko uyu murusiya akeneye umuyobozi uzemera gukorera mu kwaha kwe, ariwe Trump.

Mu butumwa Putin yoherereje Trump, yamwijeje “kubaka ibiganiro hagati ya Moscow na Washington, bishingiye ku mahame y’uburinganire, ubwubahane kandi hakubahwa igitekerezo cya buri umwe, biganisha ku nyungu z’abaturage b’ibihugu byacu n’Isi muri rusange.’’

Perezida w’u Burundi Pierre Nkurunziza, we yanditse kuri Twitter ati “DonaldTrump, ku ruhande rw’abaturage b’u Burundi, twifatanyije nawe mu kwishimira intsinzi. Intsinzi yawe ni iy’Abanyamerika bose.’’

Perezida wa Lithuania, Dalia Grybauskaitė, yagize ati “Amerika yihitiyemo! Ibyishimo bisa kuri perezida utowe Donald Trump”, mu gihe Minisitiri w’Intebe wa Singapore, Lee Hsien Loong, yashimiye Trump ndetse amwizeza ko igihugu cye kizakomeza guharanira gukorana na leta Zunze Ubumwe za Amerika.

Perezida Museveni wa Uganda we yagize ati “Ndashimira Donald Trump ku bwo gutorwa nka Perezida wa Leta Zunze Ubumwe za Amerika. Niteguye gukorana nawe nk’uko nakoranye n’abamubanjirije.”

Perezida wa Tanzania John Pombe Magufuli we yagize ati “Ibyishimo bisa kuri Perezida watowe, hamwe n’abaturage ba Amerika kubera aya matora anyuze muri demokarasi, ndabizeza gukomeza umubano mwiza hamwe n’abaturage ba Tanzania,’’

Biteganyijwe ko Donald Trump azatangira kuyobora Leta Zunze Ubumwe za Amerika kuwa 20 Mutarama 2017.

Trump n'umuryango we nyuma yo kwanzuro ko uyu munyemari atsinze

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved