Perezida Trump yavuze ko iperereza ku ruhare rw’u Burusiya mu matora rishegesha Amerika

Yanditswe na Tombola Felicie
Kuya 19 Gicurasi 2017 saa 01:32
Yasuwe :
0 0

Perezida wa Leta Zunze Ubumwe za Amerika, Donald Trump, yatangaje ko icyemezo cyo gushyiraho inteko idasanzwe izagenzura uko iperereza ry’Ibiro bishinzwe Iperereza (FBI) ku ruhare rw’u Burusiya mu matora rikorwa, biteye impungenge zikomeye ku gihugu.

Mu kiganiro n’abanyamakuru ku wa Kane tariki ya 18 Gicurasi, Perezida Trump yongeye guhakana ko nta mikoranire yagiranye n’u Burusiya ubwo yiyamamarizaga kuba perezida umwaka ushize.

Yagize ati “Ibi ni ibikorwa byo kunyibasira nta bufatanye nagiranye nabo.”

Uwigeze kuyobora FBI, Robert Mueller niwe watoranyijwe mu bagomba gukurikirana icyo kibazo ndetse akaba yaranishimiwe n’impande zombi z’abanyapolitiki.

Ubusabe bwo gukora iperereza ryimbitse buje nyuma y’icyemezo Trump aheruka gufata cyo kwirukana James Comey wari Umuyobozi Mukuru wa FBI mu cyumweru gishize.

Trump yanavuze ko kwirukana James Comey ntaho bihuriye no gushaka kuyobya iperereza nkuko BBC ibitangaza.

Trump ati “Comey yari umuntu utazwi n’abantu benshi. Nabanje gutekereza mbere yo gufata icyemezo, kuko cyarebaga aba-Démocrates n’Aba- Républicains bamuvugagaho ibintu biteye ubwoba.”

Perezida Trump kandi yaherukaga kuvuga ko mu mateka ya politiki ku Isi nta muntu wafashwe nabi cyane nkawe.

Itangazo rishyiraho iyi nteko idasanzwe ryagejejwe mu Biro by’Umukuru w’Igihugu muri Amerika (White House) na Trump abimenyeshwa byamaze gusinywaho n’Umushinjacyaha Mukuru Wungirije, Rod Rosenstein.

FBI n’Inteko bamaze igihe kirekire mu iperereza rigamije gucukumbura ubufatanye bwa Trump n’u Burusiya mu matora yo kuwa 8 Ugushyingo 2016. Iri perereza rizakomeza gukorwa na Mueller. Uyu mugabo w’imyaka 72 yayoboye FBI, kuva muri Nzeri 2001 kugeza mu 2013.

Mueller yatangaje ko azakoresha imbaraga ze zose n’ubushobozi kugira ngo acukumbure icyo kibazo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244