Kwamamaza

Perezida wa Colombia yahawe igihembo cy’amahoro cyitiriwe Nobel

Yanditswe kuya 7-10-2016 saa 13:03' na Mukaneza M.Ange


Perezida wa Colombia, Juan Manuel Santos niwe wahawe igihembo cy’amahoro cyitiriwe Nobel cy’uyu mwaka, kubera uruhare yagize mu gushyira iherezo ku bushyamirane n’inyeshyamba zo mu mutwe wa FARC.

Komite ishinzwe gutanga ibihembo byitiriwe Nobel ikorera muri Norvège yamushimiye uruhare mu masezerano y’amahoro n’umutwe wa FARC yashyizeho umukono mu kwezi gushize, nyuma y’imyaka ine haba ibiganiro.

Umuyobozi w’iyi komite, Kaci Kullmann Five yavuze ko bafashe umwanzuro wo guha iki gihembo Perezida Juan Manuel Santos kubera uruhare rwe mu gushyira iherezo ku ntambara y’abasivili yari imaze imyaka izaga 50.

Yakomeje avuga ko iki gihembo gikwiye gufatwa nk’icyubahiro gihawe abaturage ba Colombia.

Ni mu gihe aya masezerano Santos yashimiwe kugiramo uruhare ariko yaje kwangwa n’abaturage muri kamarampaka yabaye ku itariki ya 2 Ukwakira 2016, aho 50.2% bagaragaje ko batayashaka.

BBC ivuga ko Santos yiyemeje gukomeza gushyira imbaraga mu biganiro n’inyeshyamba za FARC.

Abahagarariye leta bamaze gusubira mu mujyi wa Havana muri Cuba kugira ngo bakomeze ibiganiro n’abayobozi ba FARC.

Intambara y’abasivile muri Colombia yatangiye hagati ya 1964-1966, imaze guhitana abantu bagera ku bihumbi 260 mu gihe abandi basaga miliyoni esheshatu bavuye mu byabo.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved