Portugal: Inkongi y’umuriro yishe abantu barenga 50, abandi benshi barakomereka

Yanditswe na Bukuru JC
Kuya 18 Kamena 2017 saa 12:04
Yasuwe :
0 0

Leta ya Portugal yatangaje kuri iki Cyumweru ko inkongi y’umuriro yafashe ishyamba ryo muri Pedrógão Grande, yahitanye abantu 57.

Uyu muriro wafashe inzu zegereye ishyamba, abantu bagenda bapfa bahunga, bamwe bagapfira mu modoka.

Nk’uko BBC yabitangaje, muri iyi nkongi yabereye muri Pedrógão Grande yanakomerekeyemo abantu 59 barimo abashinzwe ubutabazi mu kuzimya umuriro.

Minisitiri w’Intebe wa Portugal, Antonio Costa, yatangaje ko iyi nkongi ari ikintu kibabaje kurusha ibindi biheruka kuba muri iki gihugu mu myaka ya vuba.

Yanatangaje ko umubare w’abahitanwe n’iyo nkongi ushobora kwiyongera.

Ibitangazamakuru byo muri Portugal byatangaje ko uyu muriro ugifite ubukana nubwo hari abashinzwe kuzimya inkongi barenga 600.

Inkongi y'umuriro yafashe ishyamba yishe abantu barenga 50
Inzu zegereye ishyamba zafashwe n'inkongi
Abari mu bikorwa by'ubutabazi bari mu bakomerekeye muri iyo nkongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza