Syria: Hagabwe igitero gihitana abagera kuri 40 abandi 120 barakomereka

Yanditswe na Cyprien Niyomwungeri
Kuya 11 Werurwe 2017 saa 05:57
Yasuwe :
0 0

Guverinoma ya Iraq yatangaje ko ibisasu bibiri byatewe mu mujyi wa Damascus byahitanye abaturage bayo 40 abandi 120 bagakomereka, ubwo bari bagiye mu rugendo nyobokamana mu gace kihariwe n’Abayisilamu b’Aba-Shia.

Ibi bisasu byaturikiye hafi y’irimbi rya Bab al-Saghir rishyinguyemo ibikomerezwa mu idini ya Islam. Aka gace gaherereyemo umusigiti w’Abayisilamu b’Aba-Shia, gakunda no gukorerwamo ingendo nyobokamana.

BBC itangaza ko hataramenyekana uwagabye iki gitero, gusa Umuvugizi wa Minisitiri w’ububanyi n’amahanga wa Iraq, Ahmed Jamal yacyise igitero cy’iterabwoba cyari kigambiriye abari bagiye mu rugendo nyobokamana biganjemo Aba-Shia.

Amashusho yagaragaje ibizinga by’amaraso hafi y’imodoka nini ebyiri zari zitwaye abantu zangiritse. Indorerezi z’uburenganzira bwa muntu zikomoka mu Bwongereza, zatangaje ko ibisasu byaturitse ubwo bisi yari inyuzeho.

Muri ako gace iki gitero ni cyo gikomeye gihitanye abantu benshi nyuma y’icyo muri Mutarama uyu mwaka cyahitanye abagera ku 10.

Impirimbanyi z’abayisilamu b’Aba-Sunni zikunda guhiga Aba-Shia, ariko ibitero nk’ibi ntabwo bisanzwe.

Jabhat Fateh al-Sham wahoze muri al-Qaeda biravugwa ko ari inyuma y’iki gitero.
Muri Syria abantu barenge 300 000 bamaze kwicwa na ho abagera kuri miliyoni 11 bava mu byabo kubera imirwano ishyamiranyije abarwanyi ba leta ya Kiyisilamu n’ingabo za Syria yatangiye mu 2011.

Abagabweho igitero ni abari mu rugendo nyobokamana/Ifoto ya AP

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244