Kwamamaza

Trump yahungishijwe igitaraganya nyuma y’uwigaragambije bikekwako ‘afite imbunda’

Yanditswe kuya 6-11-2016 saa 06:59' na IGIHE


Donald Trump yakuwe igitaraganya ahirengeye aho yavugiraga ijambo nyuma yaho mu bantu bari bakurikiye ibikorwa bye byo kwiyamamaza umwe yigaragambije ndetse bikavugwa ko afite imbunda.

Ku mugoroba wo kuwa Gatandatu (mu rukerera rwo ku Cyumweru mu Rwanda), Donald Trump yari yakomereje ibikorwa bye byo kwiyamamariza kuyobora Leta Zunze Ubumwe za Amerika muri Leta ya Nevada mu Mujyi wa Reno.

Umuvugizi w’abashinzwe umutekano yatangaje ko ‘umuntu utamenyekanye’ wari mu bakurikiye imbwirwaruhame ya Trump, yasakuje avuga ngo ‘imbunda’, nubwo ntayigeze iboneka mu gihe hakorwaga isakwa.

Trump yarogowe yari ageze ijambo rye hagati. Icyo gihe yari ari kureba mu bitabiriye yifashe ku gahanga mu rwego rwo kwikinga urumuri rw’amatara yacanaga aho yari. Nibwo abashinzwe umutekano bahise bamuhungisha bakekako ashobora kugirirwa nabi.

Abashinzwe umutekano bavugaga mu ijwi ryo hejuru bati ‘Genda! Genda’ mu gihe ku ruhande abandi baboha bwangu Austyn Crites w’imyaka 33 wari uteje akavuyo.

Bamuhungishije bamufashe mu maboko agenda yubitse umutwe

Crites byaje gutahurwa ko ashyigikiye Hillary Clinton uhanganye na Trump nyuma yo kugenzura urukuta rwe rwa Facebook.

Umwe mu bantu bo hejuru bashinzwe ibikorwa byo kwamamaza Donald Trump yabwiye Dail Mail ko Crites ari umwe mu bigaragambya bamagana Trump.

Mu gihe ako kavuyo kabaga kandi humvikanye ijwi ry’umwe mu bashinzwe kwamamaza Trump avuga ngo ‘afite imbunda!’

Ukekwa yahise atwarwa igitaraganya ajya gufungwa ndetse ahaberaga iki gikorwa cyo kwiyamamaza hasesekara vuba vuba abapolisi benshi, abashinzwe umutekano w’abayobozi bakuru (Secret Service ¬agents), abagize umutwe wihariye mu gukoresha intwaro, SWAT, n’abandi bashinzwe umutekano.

Aba Secret Service ntibigeze batanga ibisobanuro birambuye kuri iki gikorwa gusa bavuze ko iperereza rigikomeje.

Trump nta kibazo na kimwe yigeze ahurira nacyo muri iki gikorwa ku buryo nyuma yasubiye ahirengeye agakomeza ijambo rye kugeza arirangije.

Yahungishijwe igitaraganya n’abashinzwe umutekano bavugaga ngo ‘Genda! Genda’
Austyn Crites w’imyaka yatwawe atareba inyuma
Trump yagarutse ahirengeye arangiza ijambo rye
Trump yashimye abashinzwe umutekano ati “ aba bantu ni agatangaza. Ntabwo babona ishimwe bakwiye. Ni abantu beza.’

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved