Trump yasabye abarwayi barembye kudapfa batamutoye

Yanditswe na Uwishyaka Jean Louis
Kuya 7 Ukwakira 2016 saa 05:19
Yasuwe : XX
0

Donald Trump, umukandida w’ishyaka ry’aba-republicans mu matora ya Perezida wa Leta Zunze ubumwe za Amerika, usanzwe umenyereweho udushya n’amagambo adasanzwe, yumvikanye asaba abarwaye indwara zidakira kwihangana ntibapfe batamutoye.

Ubwo yari mu bikorwa byo kwiyamamaza mu mujyi wa Henderson muri leta ya Nevada, ku wa Gatatu w’iki cyumweru, Trump yavuze ko atitaye ku kuba hari abarembye cyangwa ababwiwe ko babura iminsi mike ngo bapfe,ahubwo ngo bakwiye gutegereza kugeza umunsi w’amatora.

Ati” Sinitaye ku buryo bwose mwaba murwayemo, sinitaye niba mwaravuye kwa muganga akababwira inkuru ibabaje cyane, ivuga ko birangiye, mutazaba mukiriho mu byumweru bibiri biri imbere. Ntacyo bivuze; mutegereze kugeza ku itariki ya 8 Ugushyingo, mubanze mutore.”

The Huffington Post dukesha iyi nkuru ivuga ko Trump yakomeje yerekana ko n’ubwo abivuganye umutima mwiza, ibyo asaba akomeje ndetse ko nyuma y’urupfu rwabo azasigara abibuka. Ati” Ibyo tuzavuga ni uko tubakunda kandi tuzahora tubibuka.”

Usibye ibyo, Donald Trump yagiye avuga amagambo asesereza abantu barimo abirabura yise ko bashoboye gukora imibonano mpuzabitsina gusa.Uyu mugabo w’umuherwe kandi yavuze ko mu gihe azaba atorewe kuyobora Amerika, atazemerera abayoboke b’idini ya Islam kwinjira muri iki gihugu, ndetse akazanirukana abanya-Mexique baba muri iki gihugu ubundi akubakisha urukuta rugabanya ibihugu byombi, kandi rukishyurwa na Mexique.

Amatora muri Leta Zunze Ubumwe za Amerika ateganyijwe ku itariki 8 Ugushyingo 2016.

Trump avuga ko aba bantu nibamutora azahora abibuka mu gihe bazaba barapfuye

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza