Trump yasubiye inyuma imyanya 222 ku rutonde rw’abaherwe rutakiyobowe na Bill Gates

Yanditswe na Evariste Nsengimana
Kuya 7 Werurwe 2018 saa 11:39
Yasuwe :
0 0

Perezida wa Leta Zunze Ubumwe za Amerika, Donald Trump yasubiye inyuma imyanya 222, ku rutonde rw’abaherwe ku Isi, Jeff Bezos washinze ikigo cy’ubucuruzi cya Amazon, aca agahigo, afata umwanya wa mbere wari umaze igihe wihariwe n’umuyobozi wa Microsoft, Bill Gates.

Ni urutonde rukorwa n’ikinyamakuru Forbes Magazine buri mwaka, cyarushyize ahagaragara kuri uyu wa Kabiri, kuri ubu ruyobowe na Jeff Bezos, agakurikirwa na Bill Gates, rukagaragaza kandi ko Perezida Trump yavuye ku mwanya wa 544 yari ariho umwaka ushize agera ku wa 766.

Iki kinyamakuru kigaragaza ko ubukungu bwa Trump kuri ubu bwagabanutseho miliyoni 400$ bukagera kuri miliyari 3.1$ uyu mwaka. Jeff Bezos uyoboye abaherwe afite miliyari 112$ nyuma yo kongera imigabane muri Amazon ikagera kuri 59% mu mezi 12 gusa bigatuma arusha Bill Gates miliyari zisaga 90$.

Kuri uru rutonde, umuherwe Warren Buffett yagumye ku mwanya wa Gatatu, akurikirwa n’umuherwe w’umunyenganda wo mu Bufaransa, Bernard Arnault wavuye ku mwanya wa 11, Mark Zuckerberg washinze Facebook, aba uwa gatanu.

Ubukumgu bwa Perezida wa Amerika, Donald Trump, bukomeje kugenda busubira inyuma umunsi ku munsi, umwaka ushize ku rutonde rw’abaherwe 400 bo ku mugabane wa Amerika, yari ari ku mwanya wa 248 mu gihe mu 2016 yari ku mwanya wa 156.

Mu 2015, Trump yari ku mwanya wa 121 muri 400 bakize muri Amerika, afite umutungo usaga miliyari 4,5 z’amadolari y’Amerika, 2016 yaramanutse agera ku mwanya wa 156 n’umutungo w’amadolari ya Amerika asaga miliyari 3,7 mu 2017 ageza ku mwanya wa 248 n’umutungo w’amadolari asaga miliyari 3.1. Ni ukuvuga ko umutungo we wagabanutseho miliyoni zisaga 600 hagati ya 2016 na 2017.

Urutonde rw'abaherwe 10 ba mbere bayoboye abandi ku isi mu 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza