Trump yasubiye inyuma imyanya 92 ku rutonde rw’abaherwe muri Amerika

Yanditswe na Evariste Nsengimana
Kuya 18 Ukwakira 2017 saa 01:25
Yasuwe :
0 0

Ubukumgu bwa Perezida wa Leta Zunze Ubumwe za Amerika, Donald Trump, bukomeje kugenda busubira inyuma umunsi ku munsi, ku rutonde rw’abaherwe 400 bo ku mugabane wa Amerika, ari ku mwanya wa 248 mu gihe mu 2016 yari ku mwanya wa 156.

Ni urutonde rukorwa n’ikinyamakuru Forbes magazine, kuri ubu ruyobowe n’umuherwe washinze Microsoft, Bill Gates, aruyoboye inshur0 24 yikurikiranya n’umutungo usaga miliyari 89 z’amadolari ya Amerika.

Ukurikije uko Forbes Magazine yagiye itondeka abaherwe kuva mu 2015, Donald Tump agenda asubira inyuma uko umwaka ugenda ushira undi ugataha nubwo iki kinyamakuru kidatanga impamvu ry’iri gabanuka ry’ubukungu bwe.

Iki kinyamakuru kigaragaza ko mu 2015, Trump yari ku mwanya wa 121, afite umutungo usaga miliyari 4,5 z’amadolari y’Amerika, 2016 yaramanutse agera ku mwanya wa 156 n’umutungo w’amadolari y’Amerika asaga miliyari 3,7 naho uyu mwaka ageza ku mwanya wa 248 n’umutungo w’amadolari asaga miliyari 3.1. Ni ukuvuga ko umutungo we wagabanutseho miliyoni zisaga 600 hagati ya 2016 na 2017.

ABC News dukesha iyi nkuru, yanditse ko kimwe mu byagendeweho kugira ngo Forbes Magazine ishyire aba baherwe kuri uru rutonde ari ukuba byibuze ushaka kujyaho yaragombaga kuba afite imitungo ifite agaciro k’amadolari miliyari ebyiri mu gihe mu myaka ibiri yabanjirije uyu byasabaga kugira byibuze miliyari 1,7$.

Abandi baherwe bakurikiye Bill Gate, harimo uwashinze ikigo cy’ubucuruzi cya Amazon, Jeff Bezos, ufite imitungo y’asaga miliyari 81,5 z’Amadolari y’Amerika. Uyu mwanya yawukuyemo umuherwe Warren Buffett, wahise uba uwa gatatu n’akayabo k’amadolari asaga miliyari 78$.

Ubukungu bwa Donald Trump bukomeje kugabanuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza