Trump yemeye ko Abarusiya baba barivanze mu matora ya USA

Yanditswe na Mathias Hitimana
Kuya 12 Mutarama 2017 saa 10:06
Yasuwe :
0 0

Donald Trump watorewe kuyobora Leta Zunze Ubumwe za Amerika, yasobanuye bwa mbere ko bishoboka ko abarusiya baba barinjiye mu matora ya Amerika, ariko ahakana ko bitakozwe kugira ngo abe ari we utorwa.

Mu kiganiro cye cya mbere n’itangazamakuru kuva yatorwa kuwa 8 Ugushyingo 2016, yavuze kuri uyu wa Gatatu ku migambi ye ashikamyeho gukorera USA, anavuga ku kuba u Burusiya bwaba bwaratumye atsinda Hillary Clinton wo mu Ishyaka ry’Aba Democrates .

Trump yavuze ko intasi za Perezida Putin w’u Burusiya, zaba zarinjiye muri mudasobwa z’ishyaka ry’Aba-Democrates mbere y’amatora, ariko akavuga ko ari uburangare bwabayeho, ku buryo ku butegetsi bwe azakaza ubwirinzi.

Yagize ati “ Ndatekereza ko ari u Burusiya, Putin ntiyakabaye akora ibintu nk’ibi, ntazongera kubikora ukundi. U Burusiya buzubaha igihugu cyacu mu gihe nzaba nkiyoboye kurusha ko undi wese yaba akiyoboye.”

Perezida Trump yongeyeho ko u Burusiya atari cyo gihugu cyonyine cyinjiye mu mabanga ya Amerika, ashinja ishyaka ry’Aba-Democrates kutagira ubwirinzi bukomeye muri porogaramu zabo za mudasobwa.

Trump yavuze ko namara kurahira kuwa 20 Mutarama 2017, azagererageza gukorana umurava, ndete anavuga ko gahunda yo kubaka urukuta ku mupaka wa Mexique akiyikomeje, akazanashyiraho umuyobozi mushya w’Urukiko rw’ikirenga.

Ese ubucuruzi bwe azabufatanya ate no kuyobora?

Iyi nama n’abanyamakuru yabaye kuri uyu wa Gatatu ngo yakabaye yarabaye mu Ukuboza 2016, ariko ngo Trump yari agitegura ukuntu azayobora Amerika ariko n’ibikorwa bye by’ubucuruzi ntibihagarare.
Gusa yavuze ko ibikorwa bye by’ubucuruzi bizayoborwa n’abahungu be.

Yavuze ko atazanyereza imisoro kuko ubwo bucuruzi bwe buzagira ubugenzuzi ku buryo buzishyura imisoro uko bikwiye.

Umunyamategeko witwa Sheri Dillon yabwiye abanyanakuru bari aho ko Trump ari guteganya gushyiraho uburyo bw’imiyoborere buzamutandukanya n’imicungire y’amakompanyi ye y’ubucuruzi.

Yagize ati “Tuzakora ku buryo turinda ko ibyo Perezida Trump akora n’ibyemezo afata nka Perezida biba ari ku nyungu ze aho kuba inyungu z’ubucuruzi bwe.”

Donald Trump ubura iminsi mike ngo arahirire kuyobora USA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza