Trump yifurije abarimo n’abanzi be umwaka mwiza wa 2017

Yanditswe na Ishimwe Israel
Kuya 1 Mutarama 2017 saa 05:21
Yasuwe :
0 0

Donald Trump uheruka gutorerwa kuyobora Leta Zunze Ubumwe za Amerika yifurije abantu bose umwaka mushya muhire wa 2017,barimo n’umubare munini w’abanzi be.

Mu butumwa yashyize ku rubuga rwe rwa twitter mu gitondo cyo kuwa Gatandatu tariki ya 31 Ukuboza 2016, yagize ati “ Umwaka mushya muhire kuri mwese, abanzi banjye ndetse n’abandwanyije ariko bakaza gutsindwa nabi cyane. Abo ntibazi icyo gukora. Ndabakunda.”

CNN itangaza ko aya magambo yavuzwe na Trump yibutsa ayo yavuze kuya 11 Nzeri 2013 yifuriza abanzi be ndetse n’abatsinzwe ibihe byiza. Yabitangarije mu muhango wo kwibuka ibitero bya al-Qaeda ku magorofa ya World Trade Centre na Pentagone muri Amerika.

Icyo gihe yagize ati “Kuri iyi tariki ya 11 Nzeri, ndashaka kubashimira mwese, ndetse n’abanzi banjye n’abatsinzwe.”

Trump yakomeje kunenga abo bari bahanganye nyuma yo gutorerwa kuyobora Leta Zunze Ubumwe za Amerika, ndetse akunda no guterana amagambo na Barack Obama watangaje ko u Burusiya bwagize uruhare mu kumufasha gutsinda aya matora yabaye mu mwaka ushize wa 2016.

Nyuma y’ubutumwa bwa Donald Trump uri mu biruhuko mu gace ka Mar-a-Lago ho muri Leta ya Florida, Visi Perezida we Mike Pence yashyize hanze ubundi butumwa bwifuriza abantu umwaka mushya w’impinduka.

Abinyujije ku rukuta rwe rwa twitter yagize ati "Umwaka Mushya Muhire! 2017 izaba umwaka tuzongera kugira Amerika igihugu cy’igihangange. Turabifuriza imigisha yose ndetse n’umwaka w’uburumbuke.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza