Trump yikomye Abanya-Somalia baba muri Amerika

Yanditswe na Kanamugire Emmanuel
Kuya 7 Ugushyingo 2016 saa 03:46
Yasuwe :
0 0

Donald Trump wiyamamariza kuyobora Leta Zunze Ubumwe za Amerika yikomye abaturage bafite inkomoko muri Somalia batuye Minnesota abashinja gukwirakwiza ibitekerezo by’ubuhezanguni mu gihugu hose.

Ubwo yari mu bikorwa byo kwiyamamaza muri leta ya Minnesota ku Cyumweru, Trump uhagarariye ishyaka ry’aba-republicans yatanze urugero rw’igitero cyabaye muri Nzeri umwaka ushize, ubwo umwimukira ukomoka muri Somalia yateraga undi muntu icyuma mu mujyi wa Saint Cloud, ubarizwa muri iyi leta.

Yakomeje avuga ko abaturage ba Minnesota bagiye bakorerwa n’abanya-Somalia ibikorwa byinshi nka kiriya kandi ko naramuka atowe, abaturage bazajya babanza kugishwa inama mbere y’uko impunzi zemererwa gutura mu gace runaka.

Ati” Aha muri Minnesota mwabonye ibibazo byatejwe n’amategeko mabi arebana n’impunzi, biturutse ku mubare munini w’abanya-Somalia binjiye muri Leta yanyu mutabanje kubimenyeshwa.”

BBC dukesha iyi nkuru ivuga ko, uyu muherwe yakomeje agaragaza ko benshi muri bo binjiye mu mutwe wa Islamic State, bagenda bakwirakwiza ibitekerezo by’ubuhezanguni mu gihugu no ku isi yose.

Muri Amerika habarizwa abanya-Somalia benshi bahunze umutekano muke n’imvururu zigaragara mu gihugu cyabo, kuva mu myaka yashize.

Si ubwa mbere Trump yikoma abimukira kuko yigeze no kuvuga ko bazasubizwa mu bihugu byabo ndetse hakubakwa urukuta ku mupaka wa Méxique.

Amatora y’umukuru w’igihugu muri Leta Zunze Ubumwe za Amerika ateganyijwe ku itariki ya 8 Ugushyingo 2016.

Trump mu bikorwa byo kwiyamamaza muri Leta ya Minnesota

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244