Turikiya: Abantu 39 biciwe mu kabyiniro abandi benshi barakomereka

Yanditswe na Kanamugire Emmanuel
Kuya 1 Mutarama 2017 saa 08:14
Yasuwe :
0 0

Mu mujyi wa Istanbul muri Turikiya, abantu 39 biciwe mu kabyiniro, abandi 69 barakomereka bikabije mu birori byo kwishimira umwaka mushya wa 2017.

Byabaye mu ijoro ryo ku wa 1 Mutarama 2017, saa saba n’igice zo muri Turikiya ubwo umuntu witwaje intwaro yabanje kwica umupolisi wari uharinze.

Minisitiri w’Ubutegetsi muri Turikiya yabwiye CNN dukesha iyi nkuru ko ibikorwa byo gushaka abagabye iki gitero bikomeje.

Ati “Gushaka abagabye iki gitero cy’iterabwoba birakomeje, nizeye ko ku bubasha bw’Imana baza gufatwa bidatinze”

Yakomeje avuga ko mu bantu 39 bishwe, 21 bamenye inkomoko yabo aho 16 ari abanyamahanga na ho batanu ari abenegihugu.

BBC ivuga ko ako kabyiniro karimo abantu basaga 700.

Umwe mu bari muri ako kabyiniro yavuze ko atabashije kumenya umubare w’abagabye icyo gitero ariko yabonye umuntu umwe witwaje intwaro agahita yihisha(uwo wari mu kabyiniro), na ho ibyuma bifata amashusho muri ako kabyiniro byerekanye umuntu wambaye imyenda yirabura afite n’intwaro.

Bimwe mu bitero byagabwe muri iki gihugu mu 2016

- Ku itariki ya 10 Ukuboza 2016, Umwiyahuzi yateye igisasu muri Stade ya Besiktas mu gace ka Macka/Dolmabahce mu mugi wa Istanbul, cyica abantu 44, biganjemo aba ofisiye b’abapolisi gikomeretsa abarenga 150.

- Ku wa 24 Ugushyingo 2016, umwiyahuzi yagabye igitero ku biro bya Guverneri wa Adana, yica abantu 2 hakomereka 21.

- Kuwa 14 Ukwakira 2016, Umwiyahuzi yagabye igitero hafi y’Umujyi wa Antalya na Kemer ku bw’amahirwe ntihagira uhasiga ubuzima.Kuri uwo munsi kandi ku bigo bya gisirikare bya Turikiya biri Hakkari, Diyarbakir, Van na Adiyaman, abantu 13 barakomeretse bikabije.

- Kuwa 6 Ukwakira 2016, Ikindi gitero cyagabwe ku biro bikuru bya polisi biri Yenibosna mu mujyi wa Istanbul.

- Kuwa 24 Kanama 2016, Ku biro bya Jandarumori ku muhanda Antalya – Kemer hafi ya Topcam hatewe igisasu gikomeretsa abantu 2.

- Kuwa 20 Kanama 2016, Igitero cyagabwe mu birori by’ubukwe mu gace ka Gaziantep kica abantu barenga 50 anadi 100 barakomereka bikabije.

- Kuwa 28 Kamena 2016, Ku kibuga mpuzamahanga cy’indege cya Ataturk mu mujyi wa Istanbul umwiyahuzi yisha abantu 40 abandi benshi barakomereka.

- Kuwa 7 Kamena 2016, Umwiyahuzi yagabye igitero mu gace ka Vezneciler mu mujyi wa Istanbul yica abapolisi 7 n’abasivili 4 akomeretsa 36.

- Kuwa 1 Gicurasi 2016, umwiyahuzi yagabye igitero kuri sitasiyo ya polisi ya Gaziantep yica abapolisi babiri abandi 23 barakomereka bikabije.

- Kuwa 27 Mata 2016, ku musigiti wa Bursa Ulu. Umwiyahuzi yagabye igitero akomeretsa abantu barindwa nawe arapfa.

- Kuwa 19 Werurwe 2016, umwiyahuzi yagabye igitero kuri ba mukerarugendo mu gace ka Istiklal St mu mujyi wa Istanbul, yicamo bane abandi 36 barakomereka bikabije.

- Kuwa 13 Werurwe 2016, umwiyahuzi yagabye igitero ku nyubako ya Kizilay Square, mu mujyi wa Ankara yica abantu barenga 30.

Polisi yakajije umutekano, hari amahirwe ko abagabye igitero bafatwa vuba
Ubwoba bwari bwose ku barokotse iki gitero
Akabyiniro kagabweho igitero
Ubutabazi ku bakomerekeye muri iki gitero bwahise butangira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244