Turikiya:Ashobora gufungwa imyaka ine azira kuvuga ko adashobora guha perezida icyayi

Yanditswe na Mukaneza M.Ange
Kuya 27 Ukuboza 2016 saa 08:47
Yasuwe : XX
0

Inzego z’umutekano muri Turikiya zataye muri yombi Senol Buran, uyobora ahafatirwa icyayi n’abakozi b’ikinyamakuru Cumhuriyet kitavuga rumwe na leta, nyuma yo kuvuga ko adashobora guha icyayi perezida Recep Tayyip Erdogan.

Buran ushobora gukatirwa gufungwa imyaka ine azira gutuka perezida yatawe muri yombi ku wa Mbere, nyuma y’uko umupolisi urinda ahakorera ikinyamakuru Cumhuriyet amureze.

BBC dukesha iyi nkuru ivuga ko ubwo bamuhataga ibibazo, Buran yahakanye ibyo gutuka umukuru w’igihugu ahubwo yemera ko yavuze ko adashobora kumuha icyayi.
Kuva Erdogan yajya ku butegetsi muri Kanama 2014, ibyaha byo gutuka umukuru w’igihugu byagiye byiyongera aho ibirego bigera ku 2000 byagejejwe mu nkiko.

Mu bajyanywe mu nkiko harimo abanyamakuru, abahanzi kandi bose bashobora gukatirwa igifungo kigera ku myaka ine.

Ikinyamakuru Cumhuriyet, kiza mu binyamakuru bike bitavuga rumwe na leta na cyo ntikimeranye neza na Perezida Erdogan nyuma yo gutangaza iperereza rigaragaza ko iki gihugu cyahaye intwaro abigometse ku butegetsi bwa Syria.

Aho ikinyamakuru Cumhuriyet gikorera

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza