Kwamamaza

U Budage n’u Bufaransa byemeranyije guhangana n’ingaruka zazaterwa na Brexit

Yanditswe kuya 27-06-2016 saa 10:14' na Mukaneza M.Ange


Nyuma ya kamarampaka yo kwemeza ko u Bwongereza buva mu muryango w’Ibihugu by’u Burayi (EU), Chancelier w’u Budage, Angela Merkel na Perezida François Hollande w’u Bufaransa bahisemo kunga ubumwe no guhuza imbaraga mu guhangana n’ingaruka bizagira.

Hollande yavuze ko baramutse batunze ubumwe, bashobora gucikamo ibice ndetse hakaba havuka n’andi makimbirane hagati yabo.

Aba bakuru b’ibi bihugu uko ari babiri barateganya guhura kugira ngo bagirane ibiganiro kuri iki kibazo.

Mu mpera z’iki Cyumweru, Perezida wa EU, Jean-Claude Juncker, yatangaje ko u Bwongereza bugomba gutangira bwihuse gahunda zo kuva muri uyu muryango.

Philip Hammond, Ushinzwe ibijyanye n’Ububanyi n’Amahanga muri EU we yagaragaje ko u Bwongereza budakwiye kugendera ku gitutu kuko nta gikwiye guhita kiba aka kanya.

BBC ivuga uru ari na rwo ruhande abo kwa Merkel bashyigikiye aho bavuga ko u Bwongereza bukwiye kubanza bukiga neza ingaruka ziri mu kuva muri EU mbere yo gutangira urugendo rwo kuvamo burundu.

Ku wa Kane w’icyumweru gishize nibwo u Bwongereza bwatoye kamparampaka yo kuva muri EU ku majwi 52% kuri 48% y’abatabishyigikiye.

Iki n’icyemezo cyatowe n’ibihugu bigize ubwami bw’u Bwongereza byose ukuyemo Scotland aho 62% batoye kuguma muri uyu muryango ndetse bavuga ko Inteko Ishinga Amategeko izarwana urugamba rw’uko kiriya cyemezo kitashyirwa mu bikorwa.

Ibyavuye mu matora bikimara gutangazwa, Minisitiri w’Intebe w’u Bwongereza, David Cameron, yahise atangaza ko azegura kugira ngo ahe uzamusimbura umwanya wo kuyobora ibiganiro kuri iyi ngingo.

Iki cyemezo cy’u Bwongereza cyo kuva muri EU cyatangiye kugira ingaruka zitandukanye zirimo no kuba ifaranga rikoreshwa muri iki gihugu (Pound) ryatangiye guta agaciro ku buryo bugaragara.

Hollande na Merkel biyemeje guhuza imbaraga ngo bahangane n'ingaruka zizaterwa no kuva muri EU k'u Bwongereza

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 12 Ukwakira 2016
Copyright © 2009 -2014 - IGIHE Ltd - All Rights Reserved