Kwamamaza

U Bufaransa: Abapolisi bane bakomerekeye mu gitero bagabweho

Yanditswe kuya 9-10-2016 saa 15:08' na Niyonsenga Schdrack


Abapolisi bane bari bari gucunga umutekano mu gace ka Viry-Châtillon, kegeranye n’umurwa mukuru, Paris, bakomerekeye mu gitero bagabweho n’abantu 12 bataramenyekana, batwikishije imodoka ebyiri zabo ibiturika bizwi nka Molotov Cocktail (biba biri mu icupa).

BBC itangaza ko abapolisi babiri bari muri izo modoka zatwitswe zigakongoka bakomeretse bikomeye ku buryo bamerewe nabi n’ubushye aho bajyanywe mu bitaro i Paris.

Abapolisi bagabwego icyo gitero ni abari bacunze umutekano wa kamera (camera) zifata amashusho ziri ku matara yo ku muhanda (Feu rouge/Traffic lights), aho imodoka barimo zateweho ibiturika bizwi nka Molotov Cocktail.

Mu itangazo ryahise risohorwa na Minisitiri w’Umutekano mu gihugu cy’u Bufaransa, Bernard Cazeneuve, yamaganye bikomeye iki gikorwa, agira ati “Ibi bikorwa byambura icyubahiro cy’abapolisi b’aba ofisiye mu kuzuza neza inshingano zabo zo kurinda abaturage. ”

AFP yanditse ko Perezida François Hollande yatangaje ko iki gitero kibabaje kandi ko abakigizemo uruhare batazababarirwa.

Yagize ati "Buri cyose kizakorwa kugira ngo abagize uruhare muri ibi bikorwa bafatwe kandi bagezwe imbere y’ubutabera ndetse banahabwe ibihano bijyanye n’icyaha cyabo."

Polisi yatangaje ko kugeza ubu nta muntu wari wafatwa mu bagize uruhare muri iki gitero.

Aha hantu iki gikorwa cy’ubugizi bwa nabi cyabereye, ngo hakunze kurangwa ibikorwa by’urugomo birimo iby’ubujura bwibisha intwaro.

Umuyobozi wa Grande Borne agace gaherereye muri Viry-Châtillon, Jean-Marie Vilain yabwiye AFP ko ikibazo cy’ibyaha bikorerwa muri aka gace kigiye guhagurukirwa.

Yagize ati "Igisigaye ni ukujya kurangiza ikibazo cy’ubucuruzi bw’ibiyobyabwenge muri Grande Borne kuko icyo ni cyo camera z’umutekano zihanganye nacyo.”

Abapolisi bane ni bo bakomerekeye muri iki gitero
Imodoka ebyiri za Polisi zahiye zirakongoka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved