U Bufaransa bugiye gushyiraho itegeko ryemera gukorana imibonano mpuzabitsina n’abafite imyaka 15

Yanditswe na Mukaneza M.Ange
Kuya 6 Werurwe 2018 saa 10:53
Yasuwe :
0 0

Guverinoma y’u Bufaransa yagaragaje umushinga w’itegeko ryemerera abantu kuba bakorana imibonano mpuzabitsinda n’abana bafite imyaka 15, igihe cyose habayeho kubanza kubyumvikanaho.

Ubusanzwe u Bufaransa bufite itegeko rihana uwo ari we wese ukorana imibonano mpuzabitsina n’umwana uri munsi y’imyaka 15 ariko abashinjacyaha bagasabwa kugaragaza ibimenyetso ko iki gikorwa cyakozwe ku gahato.

Minisitiri ushinzwe uburinganire n’abagore mu Bufarasa, Marlene Schiappa, yatangaje ko bafashe umwanzuro wo gushyiraho imyaka 15 nk’iyemewe n’amategeko nyuma yo kubiganiraho n’inzego zitandukanye.

AFP dukesha iyi nkuru ivuga ko uyu mushinga w’itegeko watanzwe nyuma y’ibirego byashinjaga abagabo gusambanya abana b’abakoba bafite imyaka 11, ababikoze bikarangira bahanaguweho icyaha cyo gufata ku ngufu.

Mu Ugushyingo umwaka ushize, umugabo w’imyaka 30 yahanaguweho icyaha cyo gufata ku ngufu nyuma y’uko urukiko rusanze umwana baryamanye atarigeze abihatirwa, cyangwa ngo hakoreshwe imbaraga, mu gihe undi ufite 28 we yahamijwe icyaha cyo kuryamana n’umwana utaruzuza imyaka y’ubukure.

Iri tegeko niriramuka ryemejwe, bizaba bisobanuye ko gukorana imibonano mpuzabitsina n’umwana uri munsi y’imyaka 15 bizajya bihanwa n’amategeko. Biteganyijwe ko rizamurikirwa inama y’abaminisitiri mu Bufaransa mu mpera z’uku kwezi.

Minisitiri ushinzwe uburinganire n’abagore mu Bufarasa, Marlene Schiappa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza