U Bufaransa: Fillon yongeye gukorwaho iperereza rishobora kumwinjiza mu butabera

Yanditswe na Jean Luc K. Mugisha
Kuya 15 Werurwe 2017 saa 04:45
Yasuwe :
0 0

Umukandika ku mwanya wa Perezida w’u Bufaransa, Francois Fillon, yongeye gukorwaho iperereza n’umucamanza kuri uyu wa Gatatu tariki ya 15 Werurwe, rishobora kurangira agejejwe imbere y’ubutabera.

Ni ku nshuro ya mbere umukandida uhatanira amatora y’umukuru w’u Bufaransa azaba agejejwe imbere y’ubucamanza ku bubyaha byo kunyereza umutungo.

Mu gihe kitageze ku byumweru bitandatu, uyu mukandida yananiwe gutanga ibisobanuro ku birego birebana n’akayabo kabarirwa mu bihumbi by’ama-euro yahembwe umugore we Penelope Fillon, ku mirimo ya baringa.

Ibindi birego ashinjwa birimo kunyereza umutungo wa rubanda, ubufatanyacyaha mu kwigwizaho umutungo, kwakira impano ntabimenyeshe urwego rubishinzwe nk’uko bitangazwa n’ubugenzacyaha.

Reuters itangaza ko Fillon yakomeje kwanga kwikura mu bikorwa by’amatora, igitekerezo ahuje n’abamushyigikiye.

Ku rubuga rwe rwa twitter, umudepite w’umu-republicain mu Nteko Ishinga Amategeko y’icyo gihugu Eric Ciotti, yagize ati "Mfitiye icyizere kandi nshyigikiye Fillon ku buryo butigeze bubaho. Nta n’umwe wabuza Abafaransa impinduka z’ubutegetsi bashaka".

Ibyo bibaye mu gihe uyu mugabo w’imyaka 63 yakomeje kuvugwaho ibikorwa bimukoma mu nkokora mu kwiyamamaza kwe.

Fillon akomeje kuza inyuma ya Emmanuel Macro, n’inyuma cyane ya Marine Le Pen mu bahabwa amahirwe yo gutsinda amatora. Uyu mukandida yiregura avuga ibyo aregwa bigamije kumukura muri politiki.

Fillon yiregura avuga ibyo aregwa bigamije kumukura muri politiki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244