Kwamamaza

U Bufaransa: Haramenyekana uzahagararira aba-Républicains hagati ya Fillon na Juppé

Yanditswe kuya 27-11-2016 saa 09:28' na Mukaneza M.Ange


Nyuma y’uko Nicolas Sarkozy wigeze kuyobora u Bufaransa abuze amahirwe yo guhagararira ishyaka ry’aba-Républicains mu matora y’Umukuru w’Igihugu, uyu munsi haramenyekana umukandida uzakomeza hagati ya François Fillon na Alain Juppé.

Fillon uhabwa amahirwe yo gutsinda mu matora cyo kuri iki Cyumweru, mu cyiciro cya mbere yari yagize amajwi 44.1% mu gihe Juppé we yagize 28.5%. Nicolas Sarkozy we yasezerewe afite amajwi 20.6% gusa.

Aba bagabo bombi bigeze kuba ku mwanya wa minisitiri w’intebe bahurije ku kijyanye n’amavugurura mu bukungu ariko bagatandukanira ku buryo bazabikora.

Fillon w’imyaka 62 avuga ko u Bufaransa bukeneye impinduka ndetse muri gahunda afite hakaba harimo kugabanya imirimo igera ku bihumbi 500 mu nzego za leta, mu gihe Juppé we asanga kimwe cya kabiri aribo bakwiye kwirukanwa.

Inkuru ya BBC ivuga ko Juppé wagaragaraga nk’ukunzwe mu bihe byashize, amaze iminsi yibasira Fillon aho yagarutse cyane ku bitekerezo bye bwite ku bijyanye no gukuramo inda n’ishyingiranwa ry’abatinganyi.
Yanamushinje kandi kugirana umubano wihariye na Perezida w’u Burusiya, Vladimir Putin, nubwo umwuka atari mwiza hagati y’iki gihugu n’ibindi byo mu Burengerazuba kubera intambara zo muri Syria na Ukraine.

Ikusanyamakuru (sondage) ryakozwe na Elabe nyuma y’ikiganiro mpaka hagati ya bariya bagabo bombi ryagaragaje ko 71% by’abatemera impinduka (conservative) na 57% by’abafite andi mahame ya politiki bashyigikiye ibitekerezo bya Fillon.

Uza gutsinda muri iki cyiciro cya kabiri hagati ya Juppé na Fillon ashobora kuzahangana na Marine Le Pen wo mu ishyaka rya Front National, mu matora y’Umukuru w’Igihugu azaba umwaka utaha.

Haramenyekana uzahagararira aba-Républicains hagati ya Fillon na Juppé

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved