U Bufaransa: Hollande yahaye imbabazi umugore wishe umugabo we

Yanditswe na
Kuya 29 Ukuboza 2016 saa 01:25
Yasuwe : XX
0

Perezida w’u Bufaransa, François Hollande yahaye imbabazi umugore witwa Jacqueline Sauvage wari warakatiwe gufungwa imyaka icumi azira kwica umugabo we wakundaga kumukubita.

Hollande yari yarabanje guha uyu mugore imbabazi zimwemerera kuba yasaba gufungurwa by’agateganyo, ariko urukiko rubimwangira ubugira kabiri.

Ku wa 28 Ukoboza 2016, nibwo Hollande yanditse ku rubuga rwe rwa Twitter avuga ko ahaye Sauvage imbabazi zimwerera gufungurwa.

RFI dukesha iyi nkuru ivuga ko guhabwa imbabazi kwa Sauvage byakiriwe neza n’abantu benshi bifuzaga ako afungurwa, dore ko yari asigaye afatwa nk’ikimenyetso cy’ihohoterwa rikorerwa abagore mu ngo.

Ku itariki ya 10 Nzeri 2012 nibwo Sauvage yishe umugabo we Norbert Marot, amurashe amasasu atatu mu mugongo.

Mu kwiregura uyu mugore yavuze ko yabikoze mu rwego rwo kwirwanaho dore ko umugabo we wari umaze imyaka 47 amuhohotera, mu gitondo cy’uwo munsi yari yamuteye ubwoba ko azamugirira nabi.

Abakobwa batatu bari barabyaranye na bo bemezaga ko se yahoraga ahohotera nyina na bo atabasize, ibi kandi bikaba byarashimangirwaga n’abaturanyi.
Imbabazi zitangwa na perezida zahawe Sauvage zifite inkomoko mu butegetsi bwa cyami aho umwami yakoreshaga ububasha afite mu gutanga ubutabera.

Mu baperezida batanze imbabazi zikavugwaho cyane harimo François Mitterrand wababariye Philippe Maurice wari warakatiwe igihano cyo kwica azira kwica abapolisi babiri.

Imbabazi yahawe na Mitterand ku itariki ya 18 Ukwakira 2016 zatumye agabanyirizwa igihano aho kwicwa akatirwa gufungwa burundu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza