Kwamamaza

U Bufaransa: Sarkozy yasezerewe mu bagomba guhatanira intebe y’umukuru w’igihugu

Yanditswe kuya 21-11-2016 saa 09:44' na Philbert Hagengimana


Alain Juppé azahangana na François Fillon mu cyiciro cya kabiri cy’amatora yo gushaka uzahagararira ishyaka ry’Aba-Républicains mu matora y’Umukuru w’Igihugu mu Bufaransa azaba umwaka utaha.

Ibi babigezeho kuri iki Cyumweru nyuma yo guhigika Nicolas Sarkozy wahoze ari Perezida w’icyo gihugu, basaga n’abahanganye.

Ibiro Ntaramakuru by’Abongereza, Reuters, byatangaje ko hari hateganyijwe ibiro by’itora 10.229, ariko mu biro 9.437, Fillon yaje ku isonga n’amajwi 44.2%, akurikirwa na Alain Juppé wabonye 28.5% mu gihe Nicolas Sarkozy yari afite amajwi 20.6%, hakaba habaruwe abatoye bayingayinga miliyoni enye.

Nyuma yo gutsindwa, Sarkozy yakanguriye abari bamushyigikiye kuzaha amajwi Fillon kuko ngo abona ibitekerezo bye bihuye n’ibye kurusha Juppé.

Uzatsinda amatora y’icyiciro cya kabiri azahita agera ku cyiciro cy’amatora y’Umukuru w’Igihugu, aho azahangana na Marine Le Pen uzaba ahagarariye ishyaka rya Front National.

Ibitekerezo biva mu baturage mbere y’amatora y’Umukuru w’Igihugu, byerekana ko umukandida w’ishyaka ry’Aba-Républicains ari we uzatsinda amatora.

François Fillon w’imyaka 62, yahoze ari Minisitiri w’Intebe ku butegetsi bwa Nicolas Sarkozy kandi yasezeranyije impinduka mu rwego rw’amasoko. Alain Juppé w’imyaka 71, we yiyamamaje nk’ushyira mu gaciro kandi ahuza impande zombi nyuma y’ibitero by’ibyihebe, bombi bagomba guhangana mu cyiciro cya kabiri cy’amatora azaba mu mpera z’iki cyumweru.

Amatora y’Umukuru w’Igihugu mu Bufaransa ateganyijwe kuba ku wa 23 Mata no ku wa 7 Gicurasi 2017. Alain Juppé niwe uhabwa amahirwe cyane kuruta François Fillon mu bazahagararira ishyaka ry’Aba-Républicains muri ayo matora.

Nicolas Sarkozy yasezerewe muri aya matora rugikubita

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved