U Bufaransa: Umusore w’umunyarwanda yemejwe n’ishyaka rya Macron mu bakandida mu matora y’abadepite

Yanditswe na IGIHE
Kuya 12 Gicurasi 2017 saa 07:00
Yasuwe :
0 0

Umusore w’imyaka 27 y’amavuko wavukiye mu Rwanda, Hervé Berville, yemejwe n’Ishyaka En Marche! rya Emmanuel Macron nk’umukandida mu bahatanira kurihagararira mu Nteko Ishinga Amategeko.

Amatora y’Abadepite mu Bufaransa ateganyijwe ku itariki ya 11 na 18 Kamena uyu mwaka. Berville azaba ahatana nk’umukandida w’ishyaka En Marche! ariko uhagarariye Umujyi wa Dinan.

Uyu musore yavukiye mu Rwanda hanyuma mu 1994 aza gutwarwa n’abagiraneza bo muri Komine ya Pluduno mu Majyaruguru ashyira u Burengerazuba bw’u Bufaransa baramurera. Aha muri uyu mujyi niho yakuriye.

Aya mahirwe yo guhagararira iri shyaka mu matora y’abadepite Berville yayabonye ahigitse Umuyobozi w’Umujyi wa Dinan, Didier Lechien, nawe washakaga guhatanira uyu mwanya.

Hervé Berville ni umuhanga mu bijyanye n’ubukungu, yize muri Kaminuza yigisha ubumenyi muri Politiki, Sciences-Po, (iherereye mu Mujyi wa Paris). Yize kandi mu Ishuri ry’Imari ry’i Londres (London Schools of Economics). Kuva mu 2014, yari umukozi w’ Ishami ry’u Bufaransa rishinzwe iterambere muri Mozambique nyuma ajya muri Kaminuza ya Stanford yo muri Leta Zunze Ubumwe za Amerika mu ishami ryayo muri Kenya.

Mu mpera za 2016 nibwo yasezeye ku mirimo ye asubira mu Bufaransa kugira ngo yinjire muri Politiki mu buryo bweruye. Avuga ko ibitekerezo bye birangajwe imbere no guca ubusumbane yaba mu Bufaransa no ku Isi muri rusange.

Berville yavukiye mu Rwanda ariko kuva mu 1994 arererwa mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza