U Burusiya: Leta yatanze indege yo gucyura abadipolomate birukanywe muri Amerika

Yanditswe na Philbert Girinema
Kuya 31 Ukuboza 2016 saa 03:52
Yasuwe :
0 0

Leta y’u Burusiya yatangaje ko igiye kohereza indege yo gucyura abadipolomate bayo 35 baherutse kwirukanwa muri Leta Zunze Ubumwe za Amerika kubera uruhare igihugu cyabo gishinjwa kugira mu kwivanga mu matora aherutse gusiga Donald Trump atsindiye kuba Perezida wa 45.

Ku itariki 29 Ukuboza 2016 nibwo Ibiro bya Perezida wa Amerika byashyize hanze itangazo rya Perezida Barack Obama ritegeka ko abadipolomate b’u Burusiya 35 bava mu gihugu n’inyubako ebyiri za kiriya gihugu ziri i New York na Maryland zigafungwa.

Nyuma y’uku guhambirizwa, aba badipolomate n’imiryango yabo bagowe no kubona indege zibacyura kubera ko ari ibihe by’iminsi mikuru. Ni mu gihe bari bahawe amasaha 72 gusa ngo babe bamaze kuva muri Amerika.

Ibinyujije kuri Twitter, Leta y’u Burusiya ku wa Gatanu yatangaje ko igiye kohereza muri Amerika indege ya Ilyushin Il-96, kugira ngo ijye gucyura bariya badipolomate n’imiryango yabo.

Mu gihe byavugwaga ko Putin ashobora kwihimura kuri Obama akirukana abadipolomate b’Amerika, yahisemo gutumira abana babo mu birori bizabera muri Perezidansi, Kremlin.

Yavuze ko azategereza ko Donald Trump atangira kuyobora kugira ngo abone gufata icyemezo.

Amerika ishinja u Burusiya kwivanga mu matora no gushyira hanze amabanga y’ishyaka ry’aba- démocrate, ari nabyo byagize ingaruka mu gutuma Hillary Clinton atsindwa. Ibi ariko iki gihugu kirabihakana.

Ilyushin Il-96, indege izacyura abadipolomate b'u Burusiya baherutse kwirukanwa muri Amerika

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza