Kwamamaza

U Bushinwa bwamuritse indege nshya y’intambara yo mu bwoko bwa J-20

Yanditswe kuya 3-11-2016 saa 21:43' na Nsengimana Evariste


U Bushinwa bwatangaje ku mugaragaro indege ebyiri z’intambara zo mu bwoko bwa J-20, zifite ikoranabuhanga rizibashisha kugaba ibitero rwihishwa.

Indege J-20 bamwe bayita “F-22 Raptor” cyangwa “Black Eagle”.

Umuhango wo kumurika izo ndege wabereye mu Majyepfo y’Umujyi wa Zhuhai mu Ntara ya Guangdong ho mu Bushinwa ku wa Kabiri, tariki ya 1 Ugushyingo 2016, wari watumiwemo abakora n’abagura indege baje kureba uburyo izi ndege zigurutswa.

Abari bitabiriye ibyo birori bahamya ko iyi ari intambwe ikomeye u Bushinwa buteye mu bijyanye no kwicungira umutekano w’abenegihugu cyane bifashishije indege.

Ibi kandi birashimangira ko mu myaka icumi iri imbere iki gihugu kizaba kiri ku rwego rumwe n’ibihugu by’ibihangange nka Leta Zunze Ubumwe za Amerika mu gukora indege zikomeye z’intambara.

Umugaba Mukuru w’Igisirikare cy’Ingabo za Amerika zirwanira mu kirere, Gen. David Goldfe, yabwiye CNN ko izi ndege zitandukanye n’izo Abanyamerika bakoresha zizwi nka F-35.

Yagize ati “ Iyo ngereranije F-35 (indege z’intambara z’Abanyamerika ) na J-20( zakozwe n’u Bushinwa), nsanga ari ibintu bitandukanye.”

Ibi yabivuze asa n’utunguwe kuko byari biteganyijwe ko u Bushinwa bushobora gukora indege nk’iyi mu 2020.

Bimwe mu bintu bidasanzwe bivugwa kuri J-20

J-20 ishobora gutwara ibisasu byo mu bwoko bwa missiles biri hagati ya bine na bitandatu, ifite ubushobozi bungana n’ubwa F-22 y’ Abanyamerika.

Ni indege yakozwe n’ikompanyi y’Abashinwa izwi ku izina rya Chengdu Aircraft Industries Group. Ifite uburebure kuva imbere ujya inyuma bwa metero 20 n’umurambararo wa metero 15. J-20, ifite ubuhagarike(kuva ku butaka ujya hejuru )bungana na metero enye n’igice, mu gihe uburemere bwayo nta kintu ihetse bungana n’ibiro 19 391 naho iyo ipakiye ipima ibiro 36 288.

J-20 ifite umuvuduko ungana na Kilometero ibihumbi 2.100 mu isaha ikagira ubushobozi bwo kwihisha radar, ni ukuvuga ko zagaba ibitero rwihishwa. J-20, ishyirwa ku rwego rumwe n’indege z’intambara z’Abanyamerika nka F-22 na F-35 kimwe n’indege z’intambara z’aba Russia ziri gukorwa zizwi ku izina rya T-50/PAKFA

Igitangaje ni uko ubwo bayimurikaga tariki ya 01/11/2016, ikirere cyose yanyuzemo, "Alarmes" z’imodoka zabaga ziparitse hasi ku butaka zose zahitaga zitangira kujwigira.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved