U Bushinwa: Hashyizweho ikibumbano gikozwe mu isura ya Trump

Yanditswe na Evariste Nsengimana
Kuya 30 Ukuboza 2016 saa 09:35
Yasuwe :
1 0

Ikibumbano gifite isura nk’iya Perezida uheruka gutorerwa kuyobora Leta Zunze Ubumwe za Amerika, Donald Trump cyashyizwe imbere y’iduka rikomeye mu mujyi w’ubucuruzi wa Taiyuan mu Majyaruguru y’Intara ya Shanxi mu Bushinwa mu rwego rwo gukurura abakiliya mu bihe by’iminsi mikuru.

Iki kibumbano cyashyizweho bivuye ku busabe bw’ikompanyi ifite iri duka, kizakoreshwa muri iyi minsi mikuru mu rwego rwo gukurura abakiliya no kwizihiza umwaka mushya nk’uko Umuyobozi Mukuru wungirije ushinzwe igenamigambi mu iduka rya N1 ArtWalk Mall, Cao Mingliang yabitangaje.

Umuvugizi w’abacuruzi bo mu gace ka Shenghe Yangtai, Wei Qing, yabwiye CNN dukesha iyi nkuru ko iki kibumbano gikoze mu isura nk’iya Trump cyiza kongera umubare w’abakiriya.

Ati “ Ndatekereza ko ari cyiza kandi kirashimishije, umusatsi n’amaso bimeze neza nk’ibya Donald Trump. Nizeye ko kiza gukurura abakiriya”

Si ubwa mbere Abashinwa bakoze ikibumbano mu isura ya Trump, kuko mu kwezi gushize bari bakoze icy’inyoni ifite inyogosho imeze nk’iye bagikwirakwiza ku mbuga nkoranyambaga.

N’ubwo bimeze uku, u Bushinwa busa n’ubutarebana neza na Trump kuva aho humvikanye amakuru avuga ko yavuganye ku murongo wa telefoni na Perezida wa Taiwan, iki gihugu gifata nk’intara yakiyomoyeho.

Kugeza ubu amaduka agera kuri ane agurisha ibibumbano bya Trump, mu bice bitandukanye by’igihugu.

Ibicuruzwa bifite ishusho ya Trump byashyizwe ku isoko cyane ndetse n’impano nyinshi ziratangwa kuva igihe yatangarije ko aziyamamariza umwanya w’Umukuru w’Igihugu muri Amerika.

Benshi bari kucyifotorezaho
Iki kibumbano cyashyizwe imbere ya rimwe mu maduka akomeye
Mu Ugushyingo hari hakozwe ikindi kibumbano cya Trump

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza