U Bwongereza: Umuntu umwe yaguye mu kindi gitero cyiswe icy’iterabwoba

Yanditswe na Mukaneza M.Ange
Kuya 19 Kamena 2017 saa 08:48
Yasuwe :
0 0

Umuntu umwe yapfuye abandi barindwi barakomereka, ubwo imodoka yinjiraga mu nzira y’abanyamaguru yegereye umusigiti wa Finsbury Park, mu Majyaruguru y’Umujyi wa Londres mu Bwongereza.

Minisitiri w’Intebe w’u Bwongereza, Theresa May n’Umuryango w’Abayisilamu muri iki gihugu bahise batangaza ko iki gikorwa cyabaye mu ma saa sita z’ijoro ari icy’iterabwoba, kuko iriya modoka yinjiye mu nzira y’abanyamaguru ndetse ikagonga abari bavuye gusenga ku bushake.

Umwe mu batangabuhamya yabwiye BBC ko yabonye umugabo asohoka muri iriya modoka agatangira gusakuza avuga ko ashaka kwica abayisilamu bose. Polisi ishinzwe kurwanya iterabwoba yahise igera ahabereye iki gikorwa, ndetse umugabo w’imyaka 48 atabwa muri yombi.

Benshi mu bagonzwe n’iyi modoka bikekwa ko ari abari bagiye gusenga, nyuma yo gusoza umunsi w’igifungo wa Ramadan.

Umuyobozi w’Umujyi wa Londres, Sadiq Khan yasabye abaturage kutagira ubwoba ariko na none bakitonda, ndetse abizeza ko bagiye kongera umubare w’abapolisi by’umwihariko muri uku kwezi kw’igisibo.

Khan kandi yavuze ko iki gitero gisa n’icyari kigamije kwibasira abayisilamu by’umwihariko, ari kimwe n’ibitero byagabwe i Manchester, Westminster na London Brigde bigatwara ubuzima bw’abatari bake.

U Bwongereza bwaherukaga kwibasirwa n’igitero cy’iterabwoba ku itariki ya 3 Kamena 2017, ubwo abagabo batatu bayoboraga imodoka ahazwi nka London bridge bakica abantu umunani.

Ibitero byo kugongesha abantu imodoka bimaze iminsi mu Bwongereza
Abashinzwe umutekano bahise bahagera
Ubwoba ni bwose mu baturage kubera ibitero bya hato na hato
Imodoka yataye umuhanda igonga abanyamaguru
Abayisilamu bari hafi aho bahise basengera aho ibyo byabereye
Umwe mu bantu bakomeretse ubwo yajyanwaga kwa muganga

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244