Umugabo byaketswe ko afite igisasu yafashwe ashaka kwinjira muri White House

Yanditswe na IGIHE
Kuya 19 Werurwe 2017 saa 09:34
Yasuwe :
1 0

Umugabo yatawe muri yombi nyuma yaho atwaye imodoka ayiganisha aho basakira abantu bagiye kwinjira mu Ngoro y’Umukuru w’Igihugu muri Amerika, White House, bikaba byakekwaga ko afite igisasu.

Abashinzwe umutekano muri White House, Secret Service, batangaje ko uyu mugabo yahise atabwa muri yombi. Ni mu gihe umunyamakuru wa CNN wari uhari yatangaje ko uwo mugabo yavugaga ko afite igisasu.

Imihanda yo muri ako gace yahise ifungwa, gusa ubwo ibi byose byabaga, Perezida Trump ntiyari muri White House ahubwo yari mu rugo rwe Mar-a-Lago muri Leta ya Florida.

Umuvugizi wa White House, Sean Spicer, yavuze ko uyu mugabo wari utwaye imodoka nta ntwaro yari afite ndetse ashimira abashinzwe umutekano ku kuba bahise bakora akazi kabo.

Iki gikorwa kibaye icya kabiri nyuma yaho mu minsi ishize, umuntu wari ku igari yarivuyeho agasimbuka ashaka kwinjira mu biro by’Umukuru w’Igihugu.

Abashinzwe umutekano banenzwe bikomeye kuwa 10 Werurwe kuko uyu muntu wari ku igare yafashwe amaze kurenga uruzitiro ari hafi neza y’umuryango w’ibiro by’Umukuru w’Igihugu. Gusa bavuze ko bagiye gukaza umutekano ku buryo nta muntu uzongera gushaka kwinjira muri White House.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza