Kwamamaza

Umuyobozi w’Urwego rw’ubutasi rwa Amerika yeguye

Yanditswe kuya 17-11-2016 saa 18:38' na Rabbi Malo Umucunguzi


Umuyobozi w’Urwego rw’Iperereza rwa Leta Zunze Ubumwe za Amerika, James Clapper, yeguye ku mirimo ye ndetse ahita abimenyesha Inteko Ishinga Amategeko y’iki gihugu.

James Clapper w’imyaka 75, yabwiye komisiyo y’Inteko Ishinga Amategeko ishinzwe iperereza mu gihugu ko ari ko byagombaga kugenda, ndetse akaba yari yiteguye kuva muri uyu mwanya kuko Perezida uheruka gutorwa, Donald Trump biteganyijwe ko agomba gushyiraho abayobozi bashya.

Yabwiye iyo komisiyo ati “Natanze ibaruwa y’ubwegure bwanjye mu ijoro ryakeye kandi ni ibintu byiza. Nari nsigaje iminsi 64."

CNN yatangaje ko uyu mugabo yavuze ko azakomeza kuzuza inshingano ze kugeza igihe Perezida Obama azasimburwa byuzuye, agashyikiriza ibiro Donald Trump.

Mu mirimo ye yagiye aharanira kurengera urwego akuriye, National Security Agency (NSA), ruhuza ibigo 17 by’iperereza birimo nka CIA, NSA na FBI n’indi itazwi cyane nka National Reconnaissance Office, gusa isura yarwo yaje kwangirika cyane ubwo Edward Snowden yatangiraga gushyira hanze amabanga y’uko bajyaga biba amakuru ku baturage ba Amerika.

Biteganyijwe ko abayobozi benshi bari mu myanya itandukanye ku buyobozi bwa Perezida Obama bazagenda batanga ubwegure bwabo, ku buryo Perezida Trump azagira umwanya wo gushyiraho abayobozi bazamufasha kuyobora iki gihugu cy’igihangange ku Isi mu myaka ine iri imbere.

Clapper avuga ko mu myaka 50 amaze mu gisirikare n’ubutasi, atigeze abona Leta Zunze Ubumwe za Amerika zihura n’ibibazo by’umutekano nk’ibyo ziri guhura na byo ubu, nk’igitutu cy’u Burusiya, ibisasu bya kirimbuzi muri Korea ya Ruguru n’ibyaha by’ikoranabuhanga bigenda bifata indi ntera.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved