Umuyobozi wa Islamic State yongeye kwigaragaza nyuma y’imyaka itanu

Yanditswe na Evariste Nsengimana
Kuya 30 Mata 2019 saa 07:54
Yasuwe :
0 0

Umutwe w’inyeshyamba uharanira ishingwa rya Leta ya kiyisilamu (Islamic State) washyize ahabona amashusho y’umuyobozi wayo, Abu Bakr al-Baghdadi, nyuma y’imyaka itanu atagaragara kuko yaheruka mu 2014.

Aya mashusho y’iminota 18 yashyizwe ku rubuga rw’icengezamatwara rw’uyu mutwe, agaragaza Abu Bakr al-Baghdadi avuga ko yemeye gutsindwa umutwe we wagize mu mujyi wa Al-Baghouz muri Syria.

Al-Baghdadi kandi yumvikana yigamba kugira uruhare mu bitero biheruka kugabwa muri Sri Lanka mu minsi mikuru ya Pasika, nk’uburyo bwo kwihorera uwo mutwe wagize nyuma yo kwamburwa igice kinini wagenzuraga muri Syria.

Muri ayo mashusho yashyizwe ahabona kuri uyu wa mbere kandi al-Baghdadi yavuze ko umutwe ayobora uzakomeza kurwana nyuma yo gukurwa mu duce wari warigaruriye.

Yavuze ko ibitero biheruka kwibasira Sri Lanka babigabye mu kwihorera kuko batsinzwe bagakurwa Baghouz. Ibyo bitero byagabwe mu nsengero muri Sri Lanka byahitanye ubuzima bw’abarenga 300 bikomeretsa abasaga 500.

Abu Bakr al-Baghdadi yaherukaga kugaragara 2014 ubwo yari mu mujyi wa Mosul muri Irak, icyo gihe ninabwo yatangaje ishingwa ry’ubutegetsi bwa leta yiyita iya kiyisilamu muri Syria na Irak.

Umuyobozi wa Islamic State, Abu Bakr al-Baghdadi, yagaragaye nyuma y’imyaka itanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza