Umwe mu bagize korali izaririmba mu irahira rya Trump yigaragambije

Yanditswe na Philbert Girinema
Kuya 2 Mutarama 2017 saa 05:12
Yasuwe : XX
0

Umwe mu bagize korali Mormon Tabernacle itaganyijwe kuririmba mu muhango wo kurahiza Donald Trump nka Perezida wa 45 wa Leta Zunze Ubumwe za Amerika, yigaragambije avuga ko atazitabira ibi birori.

Umugore witwa Jan Chamberlin yahisemo gusezera muri korali Mormon Tabernacle, kubera ko ngo yumva adashobora kuririmba Trump.

Mu ibaruwa isezera yanditse, Chamberlin yavuze ko yagerageje kwishyiramo ko kuba yaririmba muri uriya muhango ntacyo bitwaye, ariko umutima nama we ugakomeza kubyanga, aho yabigereranyije no kuririmbira Adolf Hitler.

Yakomeje avuga ko kuririmba mu muhango w’irahira rya Trump uteganyijwe ku itariki 20 Mutarama 2017, ari ugushyigikira igitugu kandi ko bizahindanya izina y’iyi korali.

CNN dukesha iyi nkuru ivuga ko yagerageje kuvugana n’ubuyobozi bwa korali Mormon Tabernacle ku bijyanye n’isezera rya Chamberlin ariko ntibwasubiza.

Umuvugizi w’ishami riri gutegura umuhango w’irahira rya Trump, Boris Epshteyn, we yavuze ko ari iby’agaciro kuba iyi korali ariyo izaririmba dore ko imaze kwitabira ibirori nk’ibi inshuro esheshatu.

Kugeza ubu, itsinda ry’ababyinnyi ryitwa The Rockettes, korali Mormon Tabernacle na Jackie Evancho nibo bimaze kumenyekana ko bazaririmba mu muhango w’irahira rya Trump. Ni mu gihe abandi bahanzi b’ibyamamare barimo Elton John, John Legend, Andrea Bocelli, Celine Dion, Ice T, Adam Lambert, The Dixie Chicks, n’abandi batandukanye banze kuzaririmba muri ibi birori.

Umwe mu bagize Mormon Tabernacle Choir yanze kuzaririmba mu irahira rya Trump arasezera

angel@igihe.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza