USA: Melania Trump yagiye mu bitaro abagwa impyiko

Yanditswe na Mukaneza M.Ange
Kuya 15 Gicurasi 2018 saa 05:33
Yasuwe :
0 0

Perezidansi ya Leta Zunze Ubumwe za Amerika yatangaje ko mu ntangiriro z’iki cyumweru umugore wa Perezida Donald Trump, Melania, yajyanywe mu bitaro aho yabazwe impyiko yari itangiye kugira ikibazo cy’uburwayi.

Umuvugizi wa Melania, Stephanie Grisham, yavuze ko igikorwa cyo kumubaga cyabereye mu bitaro bya ‘Walter Reed National Military Medical Center’ biri hanze ya Washington, kandi n’ubwo cyagenze neza ashobora kuzamarayo icyumweru cyose.

Abinyujije ku rubuga rwe rwa Twitter, Perezida Trump we yahamije ko umugore we ameze neza ku buryo ashobora kuva mu bitaro mu minsi ibiri cyangwa itatu iri imbere.

Nk’uko The Guardian yabyanditse, itangazo ryashyizwe hanze na White House rivuga ko Melania wari uherutse gutangiza gahunda yise ‘Be best’ igamije gufasha abana guhangana n’ihohoterwa bakorerwa na bagenzi babo (bullying), agomba gufata umwanya uhagije wo kuruhuka.

Iyi gahunda by’umwihariko igamije guhangana n’ihohoterwa rikorerwa kuri Internet (online bullying) no gushishikariza abakiri bato kugira imyitwarire myiza no kugaragaza ubumuntu ku mbuga nkoranyambaga.

Ni gahunda yatumye abantu benshi bongera kumuvuga neza, nyuma y’uburyo yari yitwaye mu muhango wo kwakira ku meza Perezida w’u Bufaransa, Emmanuel Macron n’umugore we Brigitte.

Melania Trump ari mu bitaro nyuma yo kubagwa impyiko
Perezida Trump yakoresheje Twitter yemeza ko umugore we ameze neza ashobora kumara mu bitaro iminsi ibiri cyangwa itatu

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza