Kwamamaza

USA: Nyuma yo gutorwa kwa Trump, Michelle Obama yashyizwe ku gisa n’igitutu

Yanditswe kuya 10-11-2016 saa 11:05' na Nsengimana Evariste


Nyuma y’ugutsindwa kwa Hillary Clinton mu matora y’Umukuru w’Igihugu muri Leta Zunze Ubumwe za Amerika, Michelle Obama, Umufasha wa Barack Obama, arasabwa gutera ikirenge mu cya Clinton akaziyamamaza mu matora ateganyijwe mu 2020, bityo akaba umugore wa mbere uyoboye iki gihugu cy’igihangange.

Ibi Michelle yatangiye kubisabwa nyuma y’amasaha make Donald Trump amaze kwemezwa nka Perezida wa 45, inkuru itashimishije abo mu ishyaka ry’aba-démocrate, uyu mugore anabarizwamo.

The Independent ivuga ko nyuma y’uko inzozi z’aba-démocrate zo kubona Amerika iyoborwa n’umugore ziyoyotse, ngo igisa n’igitutu cyatangiye gushyirwa kuri Michelle Obama kugira ngo zizabe impamo ubwo azaba yiyamamaje mu matora y’Umukuru w’Igihugu ya 2020.

Imishinga uyu mugore afite mu myaka ine iri imbere ntigaragara, gusa yari yatangije ubukangurambaga bw’uburezi bw’umwana w’umukobwa bushamikiye ku mushinga wa leta yise ’Let Girls Learn initiative’ ugamije guharanira ko umwana w’umukobwa yiga, bityo ngo ni byo ashobora kuzakomeza gukora mu gihe umugabo we azaba avuye mu biro by’Umukuru w’Igihugu.

Nkuko bigaragara ku nkuta za Twitter z’abantu batandukanye, bamwandikiye bamusaba kwiyamamaza mu matora yo mu 2020.

Umwe muri bo agira ati “Michelle Obama ushobora kwiyamamariza kuba Perezida mu 2020. Amerika ikeneye umuntu ufite ubwenge uyiyobora."

Undi ati " 2020 Michelle Obama azaba Perezida. Ubu butumwa bwanjye buzagaruka mu myaka ine uhereye ubu."

Ibi kandi byanashyigikiwe na bamwe mu banya-Mexique Trump yakunze kwibasira abatuka ndetse anavuga ko azubaka urukuta rutandukanya igihugu cyabo na Leta Zunze Ubumwe za Amerika, basaba Michelle kuziyamamaza, bemeza ko ari we wabasha gucungura Amerika mu 2020.

Gusa n’ubwo Michelle Obama akomeje gusabwa ibi, ku giti cye nta kintu na kimwe arabivugaho.

Donald Trump yegukanye intsinzi mu matora y’Umukuru w’Igihugu yabaye kuri uyu wa Kabiri tariki 8 Ugushyingo, ahigitse Hillary Clinton wanahabwaga amahirwe ku majwi 279 kuri 228 ya Hillary Clinton.

Biteganyijwe ko Trump azarahirira kuyobora iki gihugu muri Mutarama umwaka utaha.

Michelle Obama akomeje gusabwa kuziyamamaza ku mwanya wa Perezida wa Leta Zunze Ubumwe za Amerika
Abaturage barimo n'abanya-Mexique bahagurukiye gusaba Michelle Obama kwiyamamaza mu matora yo mu 2020

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved