USA: Umucamanza yitambitse iteka rishya rikumira abimukira

Yanditswe na Mukaneza M.Ange
Kuya 16 Werurwe 2017 saa 09:09
Yasuwe :
0 0

Umucamanza wo muri Leta ya Hawaii, imwe mu zigize Leta Zunze Ubumwe za Amerika, yitambitse iteka rishya rikumira abimukira riherutse gushyirwaho umukono na Perezida Donald Trump.

Ku itariki ya 6 Werurwe 2017, nibwo Trump yashyize umukono ku iteka rishya rikumira mu gihe cy’iminsi 90 abaturage baturutse Iran, Syria, Sudani, Libya, Yemen na Somalia. Iri teka rinakumira impunzi zose mu minsi 120.

Umucamanza Derrick Watson yitambitse iri teka, mu gihe ryagombaga gutangira gushyirwa mu bikorwa kuri uyu wa 16 Werurwe 2017.

Watson yafashe uyu mwanzuro kubera ko atemeranya n’impamvu z’umutekano w’igihugu, Trump yishingikirije ajya kurisinya.

Benshi mu banyamategeko bavuga ko iri teka rizatsikamira Itegeko Nshinga Amerika igenderaho, ndetse rikabangamira ibikorwa by’ubukerarugendo, gushaka abakozi n’abanyeshuri b’abanyamahanga.

Iteka ryari ryashyizweho umukono na Trump muri Mutarama 2017, ryari ryakumiriwe kuko ryabangamiraga uburenganzira bwa bamwe mu baturage bafite ibyangombwa bibemerera kujya no gutura muri Amerika.

BBC dukesha iyi nkuru ivuga ko ubwo Watson yitambikaga iri teka rishya, yongeye kugaruka ku magambo Trump yakoresheje ubwo yiyamamarizaga kuyobora iki gihugu arimo gukumira abayisilamu, ahamya ko aribyo ashaka gukora ariko abinyujije mu mategeko.

Kwitambika iri teka k’uyu muncamanza bije byiyongera ku zindi leta eshatu zirimo na Washngton nazo ziherutse kugaragaza ko zitarishyigikiye. Nyuma y’umwanzuro w’urukiko rwa Hawaii, iki kibazo kigiye kugeza mu rukiko rw’ubujurire.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza