Kwamamaza

Uwahoze ari Minisitiri w’Intebe,Tony Blair yasabye ko habaho andi matora kuri Brexit

Yanditswe kuya 29-10-2016 saa 07:16' na Cyprien Niyomwungeri


Uwahoze ari Minisitiri w’intebe w’u Bwongereza, Tony Blair kuva mu 1997 kugeza 2007, yavuze ko ashyigikiye ko Abongereza bagomba kugira uburenganzira bwo guhindura ibitekerezo byabo ku ngingo yo kwivana mu muryango w’ubumwe bw’u Burayi, ‘Brexit’, bakongera bagatora.

Kuri uyu wa Gatanu nibwo Blair yatangarije BBC Radio 4 ko abatora bagomba kongera kugaragaza icyo batekereza kuri Brexit, babanje kuyisobanurirwa neza n’aho iberekeza.

Yagize ati “Ikintu kidakwiye kuri iriya referandumu, ni uko twafashe icyemezo ariko n’ubu tukaba tutaramenya neza imirongo nyayo bigenderaho.”

“Bisobanutse ko iyi ari gahunda itatugirira akamaro mu gihe tuvamo cyangwa igoye kuyishyira mu bikorwa, abantu bashobora gufata umwanzuro w’uko badashaka kugenda, hagakoreshwa ubundi buryo, bwaba ari mu Nteko Ishinga Amategeko cyangwa mu matora, byashoboka bikajya muri referandumu aho abantu bavuga uko babitekereza.”

“Nta mpamvu tugomba kwanga uburyo bwose bushoboka. Igihugu cyafashe umwanzuro wa referendumu, nta bundi buryo icyemezo gishobora guhindurwa uretse bigaragaye ko abaturage basobanukiwe impamvu bagomba guhindura ibitekerezo byabo.”

Abagera kuri 52% muri Kamena uyu mwaka batoye kuva mu muryango w’ubumwe bw’u Burayi (EU) binyuze muri referendumu. Abari bashyigikiye iki gitekerezo bavugaga ko bizatuma u Bwongereza bunoza neza politiki y’abimukira kandi bukajya bukora ubucuruzi budategereje uruhushya rwa EU.

Blair asanga abanyapolitiki bo muri EU batazagirira impuhwe u Bwongereza mu gihe cy’ibiganiro.

Ati "Tugomba kumva ko tutagiye kuganira n’itsinda ry’abacuruzi bo mu Burayi bagomba gufata umwanzuro w’uko bashaka kwisanga bihagije mu Bwongereza. Abo tugiye kuganira na bo, ni abayobozi muri politiki y’ubumwe bw’u Burayi n’abagize inteko ishinga amategeko babo."

Tony Blair, wohoze ari Minisitiri w'Intebe w'u Bwongereza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 20 Ugushyingo 2016
Copyright © 2009 -2014 - IGIHE Ltd - All Rights Reserved