Kwamamaza

Yaburiwe irengero agerageza guca agahigo ko kwambuka inyanja ya Pacifique

Yanditswe kuya 28-10-2016 saa 11:34' na Rabbi Malo Umucunguzi


Umusare w’Umushinwa witwa Guo Chuan yaburiwe irengero ubwo yageragezaga guca agahigo ko kwambuka inyanja iruta izindi ku Isi ya Pacifique, ashakaga kuyambuka ari wenyine.

Itsinda ryari riri gukurikirana urugendo rwa Guo ryatangiye kubura aho aherereye kuwa Kabiri ahagana saa moya ku isaha ngengamasaha, uyu mushinwa akaba yaravuye mu mujyi wa San Francisco kuwa 18 Ukwakira, afite intego yo kugera Shanghai mu minsi 20.

Guo w’imyaka 51 yashakaga guca agahigo gasanzwe ko kwambuka iyi Nyanja ku muvuduko wo hejuru, kuko uwabikoze mbere we yakoresheje iminsi 21, akaba yashakaga gukuraho umunsi umwe.

Inzego z’Umutekano ku ruhande rwa Leta Zunze Ubumwe za Amerika zahise zitangira gushakisha uyu mugabo mu mazi ya Hawaii, ariko haza kuboneka igice kimwe cy’ubwato, ikindi na cyo kiza gusangwa mu mazi, atarimo.

Nyuma y’uko itsinda rimukurikirana ryari rimaze kubura aho ageze mu ikoranabuhanga bakoreshaga, hahise hoherezwa indege yo kumushakisha aho itumanaho rya nyuma ryabaye ageze mu bilometero 1000 mu mazi hagati, uvuye ku karwa ka Oahu muri Hawaii.

Gusa nyuma Ibiro Ntaramakuru by’Abashinwa, Xinhua, byaje gutangaza ko ubwato bwe, Qingdao China, bwaje kuboneka ariko we arabura, ndetse hakaba harasanzwemo umwe mu myambaro yagombaga kumubuza kurohama.

Inyanja ya Pacifique ni yo nini ku Isi n’ubuso bwa km² 166 241 700, hagati y’imijyi ya San Francisco na Shanghai hakaba harimo ibilometero bikabakaba 10 000.

Uyu Mushinwa asanzwe ari umusare ukomeye, kuko no mu 2013 yazengurutse ibice bitandukanye yifashishije ubwato.

Guo Chuan yaburiwe irengero ubwo yageragezaga guca agahigo ko kwambuka inyanja ya Pacifique

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved