Buruseli ku isonga mu gukorerwamo n’abakozi b’iperereza benshi

Nk’uko Alain Winants, Umuyobozi mukuru wa serivisi y’ubutasi mu Bubiligi yabitangarije Abanyamakuru, ngo Umujyi wa Buruseri ni umwe mu mijyi ya mbere ku isi ukorerwamo na serivisi z’ubutasi nyinshi zo hirya no hino ku isi.

Ngo uyu mujyi ubamo abatasi bo mu biguhu byinshi byo isi kurusha uko bari barakwirakwijwe ku isi mu gihe cy’intambara y’ubutita (Guerre Froide).

Winants yakomeje avuga ko impamvu ari uko Buruseli ari umujyi ukorerwamo n’imiryango mpuzamahanga myinshi ikomeye nk’Umuryango w’Ubumwe bw’u Burayi (Union Européenne) na OTAN (Organisation du Traité de l’Atlantique Nord).

Yagize ati "Usanga ubutasi bw’Abarusiya n’Abashinwa ntaho butandukaniye n’ubwo bakoraga mu gihe cy’intambara y’ubutita."

Winants avuga ko umujyi wa Buruseli uri hagati ukagira n’abawukoreramo benshi bashinzwe ububanyi n’amahanga bakorera muri iyo miryango mpuzamahanga n’abahagarariye ibihugu byabo.

Alain Winants asanga ko kuri we abakozi bakuru b’iperereza bafata Buruseli nk’ikibuga bagomba gukiniramo bakidagadura, ngo batahakoreye nta handi babona amakuru ahagije baba bifuza.