CPI mu iperereza ry’ibyaha byakorewe muri Mali

Yanditswe na Nsabimana Emile
Kuya 30 Mutarama 2013 saa 10:38
Yasuwe :
0 0

Umushinjacyaha mukuru mu Rukiko Mpuzamahanga Mpanabyaha (CPI) Fatou Bensouda, aratangaza ko yatangiye iperereza ku byaha byakorewe mu gihugu cya Mali kuva mu ntangiriro z’umwaka wa 2012.
Ibiro bishinzwe itangazamakuru mmuri CPI bitangaza ko itangazo ry’uru rukiko rigaragaza ko iperereza ry’ibanze ryari ryakozwe muri Nyakanga 2012 rigaragaza ko muri iki gihugu habaye ibyaha by’ubwicanyi, iyicarubozo ry’ikiremwa muntu, kugaba ibitero ku bintu birinzwe n’ahantu habujijwe, gufata abagore ku ngufu (...)

Umushinjacyaha mukuru mu Rukiko Mpuzamahanga Mpanabyaha (CPI) Fatou Bensouda, aratangaza ko yatangiye iperereza ku byaha byakorewe mu gihugu cya Mali kuva mu ntangiriro z’umwaka wa 2012.

Ibiro bishinzwe itangazamakuru mmuri CPI bitangaza ko itangazo ry’uru rukiko rigaragaza ko iperereza ry’ibanze ryari ryakozwe muri Nyakanga 2012 rigaragaza ko muri iki gihugu habaye ibyaha by’ubwicanyi, iyicarubozo ry’ikiremwa muntu, kugaba ibitero ku bintu birinzwe n’ahantu habujijwe, gufata abagore ku ngufu n’ibindi byaha by’intambara.

Muri iri tangazo Bensouda agira ati “Kuri buri rwego rwo mu ntambara [zo muri Mali], imitwe yitwaje intwaro itandukanye yababaje ubuzima bwa muntu mu bikorwa byinshi by’ihohotera. Nafashe umwanzuro ko bimwe muri ibi bikorwa bya kinyamaswa binasenya ari ibyaha by’intambara, nk’uko bisobanuye mu masezerano y’i Roma.”

Hashingiwe ku makuru agezweho, iri perereza rizibanda ku byaha byakorewe mu duce dutatu tw’Amajyaruguru ya Mali.

Hakurikijwe uko ibintu bihagaze muri Mali, ibiro by’umushinjacyaha mukuru mu Rukiko Mpuzamahanga Mpanabyaha bivuga ko bigomba gukora iperereza ku cyaha icyo ari cyo cyose cyabaye muri Mali kuva muri Mutarama 2012 kiri mu nshingano z’urukiko mpanabyaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza