Kwamamaza

Syria: Abana 10 bishwe n’igisasu bivugwa ko cyatewe na Leta

Yanditswe kuya 26-11-2012 saa 17:13' na IGIHE
     


Mu gihugu cya Syria, abarwanya leta baravuga ko abana 10 bahitanywe na bombe irimo izindi yatewe n’ingabo za Leta, bombe bita ’cluster bomb’ mu cyongereza cyangwa bombes a sous-munitions mu gifaransa.
Abatavuga rumwe na leta bavuga ko indege ya leta yarekuriye iyo bombe irimo izindi ku kibuga cy’imikino, ikica abana 10 bakinaga.
Mu mezi ashize bivugwa ko igisirikare cya leta gisigaye gikoresha izo bombe mu gihe intambara igenda irushaho gukomera, ariko leta irabihakana nk’uko umuyamakuru wa (...)

Mu gihugu cya Syria, abarwanya leta baravuga ko abana 10 bahitanywe na bombe irimo izindi yatewe n’ingabo za Leta, bombe bita ’cluster bomb’ mu cyongereza cyangwa bombes a sous-munitions mu gifaransa.

Abatavuga rumwe na leta bavuga ko indege ya leta yarekuriye iyo bombe irimo izindi ku kibuga cy’imikino, ikica abana 10 bakinaga.

Mu mezi ashize bivugwa ko igisirikare cya leta gisigaye gikoresha izo bombe mu gihe intambara igenda irushaho gukomera, ariko leta irabihakana nk’uko umuyamakuru wa BBC uri muri Syria abitangaza.

Abarwanya leta ya Syria bavuga ko hamaze gupfa abantu barenga ibihumbi 40 kuva intambara zo kwamagana leta ya Perezida Bashar al Assad mu kwezi kwa gatatu mu mwaka wa 2011 zitangiye.

Umuryango w’Abibumbye uvuga ko abanye-Syria bamaze guhungira mu bihugu bituranye na Syria barenga ibihumbi 400, naho abarenga miliyoni ebyiri n’igice bakaba barataye ibyabo ariko bari mu gihugu hagati.

’Cluster bomb’ ni bombe ziterwa n’indege zigashobora kugenda ibilometero byinshi mbere yo gufunguka ngo andi mabombe matomato azirimo na yo asandare. Itangira gufunguka iri hagati ya metero igihumbi n’ijana uvuye ku butaka, igakwirakwiza za mbombe nto ahantu hanini na zo zigaturika zigana mu byerekezo bitandukanye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved